唔好忘記,我都係human being
請容許我發洩一下:

呢排我都有幾多問題
不過有d唔講

尋晚呀爸呀媽鬧交
失眠
雖然都慣架啦
由細到大都成日因為佢地鬧交而搞到我訓唔到覺
屋企已經窮
我都冇怨過佢地
但仲要成日都搞到家嘈屋閉
連一個正常既童年都比唔到我

當然,我屋企既問題其實仲有更多

我相信我父母係曾幾何時都曾經熱戀過
如無意外係結婚果時都曾經許下過d要一生一世之類既說話
但點解今時今日會搞成咁?
睇到佢地依家咁
好無奈

相信類似既問題係好多情侶,好多家庭都應該發生過
所以我自細已經唔信會有天長地久,一生一世之類既說話
呢d咁虛假既野,用黎哄人都費事

又或者可能係我諗得悲左少少啦

基本上,除非雙方都懂得遷就同體諒對方
否則若果其中一方唔識遷就同體諒對方的話
最後都好大可能會出現缺裂

不過...anyway
就我目前所見到我父母有犯既錯
我發誓,我必定唔會重複再犯



襯屋企人未返
都係早d訓為妙.

好攰丫

聽朝起身要溫數學先得啦

放學走果時同我某ｄ組員講今日要交中文書面報告
佢地走都走唔切
嗱,呢種人第日一定發大達


之後去print野
成五十幾蚊...你老闆

拎返去交
落好大雨
隻鞋入晒水,頂

明明紅雨,但唔知點解蔡章閣d學生冇得放
真係奇怪

返到屋企,成日都得自己一個
d fd又去晒人地屋企打機
真係好悶




不過好在最後都有人搵我,好開心丫!

今日好悶,仲好眼訓
冇咩特別

放學去print野,交碟去柏麗比miss
之後又返返黎交張小冊紙比呀sir


之後就同同學四圍行,咁快返屋企都冇野好做
但行行下係市中心二樓果度...
我竟然比條變態仔(唔會大我好多,著衫勁柒,一睇就知道有點兒智障同精神病果d)行過黎摸我膊頭(冇錯,係摸!!)
對著我講:我想同衛蘭起雙飛
之後係度淫笑,嚇到我!!!
我果時諗唔到做咩好,就擰轉頭同佢講:關我撚事呀?
佢竟然對著我申利...仲痙攣咁既樣wo!
好開心咁彈下彈下走左去!!!
我d同學都O晒咀,起初佢地仲以為我地係識=-=
但我邊會識d咁唔正常既人丫..- -

我唔係歧視佢有問題
但有問題都唔好有問題得咁核突丫!!!!

p.s. 衛蘭一件,點起雙飛?
語障乎?

小弟實在愚昧,百思不得其解,望有高人指答.

燒碟中
依家既時間係清晨四點三十五分
終於做晒d功課

燒完之後，總算有得訓。