Oh~Long L0ve time no see la~

l miss all of you!

唉~成2知星期上唔到網,

好彩你考試,

如果唔係,我會立刻投訴囉,

2個星期喎,

我家姐都吹左我好多好多次啊,

勁煩,得我打電話去問! 過份!

冇電腦用好無聊啊!

連功課都做唔到,慘慘慘!

呢幾排考試,

真係好大壓力啊,

我好想令到dad & Mum開心,

我好想同瑤同筠一班,

唔好分開,

Unfortunately,我成績太差啦,

經常令人失望啦,

我都好自卑,

搞到我好想喊,

但有誰明白我的感受?!

呢排...我唔知點解,

成日都唔開心,

晚上一個人無聲的哭...

我要同自己講,考試要加油!

我要努力努力!!!!!!!!!!

有一個好消息,

不過都過左好耐啦,

我Red Cross 's YCH的課程結束左啦,

仲好幸運咁past左,

因為我你即學,即考,

哈哈~因為我冇聽書,

合格令我對我的目標又進一步啦,

好開心啊!!!!!!!!!!!

今日同媽咪同家姐出去,

同媽咪的朋友飲茶,

之後同媽咪去荃灣行街,

家姐佢返家溫書,

我同媽咪行左好耐,

原本行錯路,

買完3之後,

返到屋企,

我比家姐係路痴,

我真係一個路痴咩?!

呢個係一個謎...

HIHI!

大家好,

我今日又病左啦,

冇返學,

(我就黎打字都冇咩力啦)

但我好耐冇打BLOG啦,

我成日拖拖拖都唔得,

所以我唔可以再拖啦。

4月30日,

係我地班會活動日,

我好開心啊,

我有D畏高,

坐纜車同電梯好恐怖。

我同瑤,筠,文文,小雲同儀,

一齊玩左成個早上,

包括有:飛天鞦韆,翻天飛鷹,

太空摩天輪,由摩天輪睇洛去,

D景好令啊,

如果同自己鐘意的人一齊睇仲好,

仲有滑浪飛船,

哇成身都濕曬啦,

哈哈~勁凍啊,

最可惜係海盜船冇開啦,

仲有,媽咪怕我危機同唔舒適,

唔比我玩過山車同跳樓機,

不過我都好乖,冇玩到,

更無奈的是,

我地根本唔夠時間玩。

不過我真係好開心啊,

多謝,朋友們!

5月1日,

我去左圖書館,

之後同瑤去左青衣城,

想買3比呀哥做生日禮物,

點知媽咪就"吹"我返去啦,

所以買唔到啦,

之後返左去啦,

又去青衣城食KFC,

但我只可以食簡單而唔熱氣的食物,

食完之後我地就返大陸啦。

我地先去左啊姨到,

我見到婆婆仲不停咁錫佢,

啊姨,佢煮D野真係天上有,地下無,

人間美味,世界之最啊,

而且我媽咪同啊姨係姐妹,

樣都差不多,

我成日都叫佢抱抱嫁,

哈哈,好傻呢?!

之後返到屋企啦,

我妁終於見到哥哥同妃姐啦,

晚上,

爸爸,媽咪,哥哥,妃姐,家姐,啊新同我,

一齊打麻雀,

唉~冇左成百元,

5月2日,

媽咪叫啊哥去買生日蛋糕,

我同啊哥去選生日蛋糕,

個生日蛋糕好大個啊,

仲買左件3比佢,

幾多錢都唔緊要,

重要係佢鐘意啦,

之後媽咪又比左$200佢,

(我生日,媽咪比左$100=.=')

家姐買左2件3比佢,

下午,我地出左去食野,

好快就可以拎生日蛋糕啦,

我地提早慶祝母親節同啊哥生日,

我地食左午餐先食生日蛋糕,

媽咪佢叫我將整係啊哥面到,

哈哈,好好玩啊,

家姐佢又無啦啦,

將蛋糕成堆拍到唔哥的面到,

哥哥同家姐的戰爭開始啦,

好重的火藥味啊!

我坐係佢地2個中間,

既危險又有現場感,

我決定唔走,

拍~家姐的頭髮,

拍~哥哥的咀,

拍~啊~係我的面,

有一半都係cream,

係啊哥啊,

我決定幫家姐,

3人決戰,

妃姐佢又加入戰爭,

Yo!好玩啊,

仲影左好相啊,

等等比你地睇下。

之後就去左洗頭,

我就割愛剪左頭髮。

之後妃姐陪我去買書,

買左4本啊!

都好好睇啊,

晚上,我再接再厲打麻雀,

哈哈~羸左返60多元呢,

1點幾先訓。

5月3日,

返HK啦,

途中,我唔記得拎手機,

又返轉頭,

比媽咪罵,

啊哥係門口拎比我,THX!!

 5月10日,

係母親節和我Red Cross宣誓的大日子

跟天下的仁慈母親說聲:母親節大快樂!

我個日8點幾比電話吵醒左,

係第2個團打比我的,

佢地話大會8點半要我地去到綵排,

我就打電話比小雲,宜,同文文,

死鹹魚真係害人啦,

不過佢都好慘,

其實佢都唔知,

咁我地就10之前總部啦,

點知又唔係喎,

咁就搭的士啦,

我地去到沙咀道球場都好多人啦,

好似有800幾人宣誓,

成個球場聽講有1500人喎,

我地由10幾綵排到12:30,

到放Lunch,好肚餓啊!冇食過野,

我同小雲就唔理其他人一齊去食野,

之後返到去沙咀道球場,

就開始宣誓啦,

我xx濤,誓為香港紅十字會會員,盡忠服務本土及世界紅十字會會員聯合一致,扶助疾病及患難人士。

我真係好開心啊!

我咁辛苦都係等今日,

我希望我以後都可以為疾病及患難人士出一點微不足道的力量。

最後我拎到1個宣誓章啦,

之後第2團既人話我個名似男仔,

先至第1個打比我,

咁個男仔條Tie太長,

我就話佢生得高(其實佢係矮既)

我都覺得咁講人好似有d唔岩,

不過算啦!

之後我就想去買返學鞋,

咁知媽咪叫我快d返去,

我同宜就迷失左放向,

我就打比鹹魚,

終於走到出黎,去到車站,

oK!!! Thx喔鹹魚!!!

我仲買左D花比媽咪啊!

返到家中,

馬上換3,

去西9,

同媽咪食野,

食左200幾蚊,

不過都算啦,

媽咪大曬,

媽咪佢收到花都好開心啊,

我同家姐講左,

母親節我請,

父親節佢請,

同天下的母親說:謝謝您!

同媽咪講: I L0vE You s0 MucH!

y0!

我來了`

y0 - 最近成了我的口頭嬋,

26號

我去了Red Cross的綵排宣誓,

我想當宣誓的時候一定會十分緊張,

綵排宣誓那天,

小雨與微風交加,

點點的小雨,

點著的的制服,

一點一點,不久就成了深籃色了,

我們綵排了2次,

制服濕了,手冰了,

小雨本來是不要緊的,

風吹向我們,

濕了的制服令我們不停抖震起來,

手和雙腳學著彊屍的行動,

很冷很冷,

媽咪的來電,

霎間心中的火再次燃點起來。

星期1

我地上中文堂,

我地就要看圖作詩,

我同瑤就一齊作啦,

"白髮纏繞山石間,

絲絲流水輕觸石。"

唔知點解,

朱Sir佢唔講我地首,

我地就好驚作錯啦,

因為其他人都唔同我地,

之後朱Sir佢話,

呢4句都唔知作咩?!

除左我地個句,

作得幾好,

不過都唔夠佢個句好,

不過我地都唔知佢個句係咩,

好開心啊,

第一次被朱Sir讚啊!

盈仲話我好聰明啊,

第一次咁聰明係中文堂,無奈。

呢幾排,

英文差左啊,

Miss Man好唔開心啊,

我好對唔住Miss Man啊,

我sd 左封E-mail比佢,

同佢講Sorry!

我希望我可以努力d追返d英文啦,

Miss Man,sorry!

我今日唔係有心遲到嫁。

我唔係冇心做好科長的責任。

我真係好對唔住啊,

我真係好內疚啊。