今日呀媽同我冇啦啦講起佢個舊情人

估唔到佢Ｄ情史都幾經典 >v<

佢嫁老豆之前有個同佢拍左7年拖既男仔

呢個男仔可以唔介意呀媽結左婚

叫佢同我老豆離婚(=.= "有種的傢伙~)然後同返佢一齊~

呀媽當然唔肯啦....

估唔到幾廿年之後，呢個男仔竟然成為左大富翁

30幾歲就退左休...

......................

好多人都應該會諗: 愛情同麵包，會揀邊樣...?

我既好友s都會揀麵包(money)，因為冇$$你講嘜鬼愛情姐？

食飯都冇$$...仲要講去一間爆浪漫既餐廳食飯，冇病呀？

以上講法~絕對認同。呢個世界，有$$ = 大晒  (係咁現實架啦~)

但係同一個你唔鐘意既男人結婚  (澄清一下：絕對唔係講我呀媽呀!)

又好得去邊呀？

難道你寧願同一個中年的、禿頭的、大肚腩的大富翁結婚

都唔去考慮同一個愛你的男人共渡一生？

你可能講，可以揀個靚仔Ｄ、後生Ｄ既人呢.....~

岩~但係比較靚仔Ｄ既男人，一早"名草有主"啦

況且仲要係有錢仔，一早絕種啦``

加上，有錢人都鐘意 "竹門對竹門、木門對木門"架啦

又有幾多"灰姑娘"、"杉菜"呢？

愛，呢個字真係可以改變好多野

at least，可以改變一個人既心同性格

人有無限既可能，可能有一個人就係因為一個愛字

做左下一個Bill Gates~

在愛情同麵包之下，好多人都唔識揀，當然包括我啦

點揀都好，呢個都係你既選擇，千祈唔好揀左先黎後悔呀

到時真係"喊都無謂"啦

[ 以上言論如有得罪，就真係對唔住啦~ ]