今日一放學就返屋企．．．係咪好乖呢＾＾

但係返到屋企又冇人好白痴咁又滾返學校同佢地一齊打排球

唉．．．之後６點學校唔比人留囉就趕我地走，

我又好白痴返家家，之後我阿哥又叫我幫佢買圓規，

我又悶冇野做咪幫囉，搭”ｌｉｐ”個時見到一個，一個．．．

一個我兜得佢好靚嘅男仔，我留意左佢好耐架

從以前小學５、６年級個時，我就成日見到佢，

仲記得有一次，我讀緊中１個時，（咪即係依家＝．＝）

我同緊個ｆｄ走近自己住個橦樓度，見到佢係前面

我同個ｆｄ就係度講緊佢，佢好似知我地講緊佢咁，

無啦啦轉身望住我地笑牙＞３＜

嘩嘩嘩，我個時勁勁勁開心牙，我又同佢笑啦＾＾

但返返呢度，佢讀緊黃楚標（即係我地對面個間）

一定唔大過中３／５，因為黃楚標最高嘅年級都係中３／５渣

我仲知佢踢足球架，因為成日見到佢著住ｄ足球衫褲個ｄ

同埋岩岩佢都係咁著，佢一定好勁姐

我見到佢件衫寫住左離島架，一定係代表離島區比賽

勁啦佢，唉．．．升左中學之後少見佢好多啦

．．．