2年半時間冇返過學，今日唔係太適應﹕本身坐定定聽書已經好眼訓, 加埋鬼佬鬼婆全程講英文令我更難集中精神, 鬼佬叫roy sanders, 除左一入黎講左句"恭喜發財"係廣東話之外，全部都係講英文。一開始竟然又係自我介紹，今次玩激d，要介紹我隔離位個同學......我頂佢個肺丫，我最唔鐘意就係開聲講野，仲要講英文，本身我既oral skills已經唔得，仲要2年幾以來未試過用英文講過一段句子......。

好丫，中午放lunch，諗住去食車仔麵，點知初八先開! 冇計啦，四圍搵下有咩好食。行行下搵到間叫"秋葉"既餐廳仔，果度d野過得去，價錢都ok，值得再去。食飽上堂真係頂唔順......

終於，上午10點-下午4點既堂完了。我約左+2係天后等，一路行街一路影相，開開心心又過一日了。