今日一早起身
打算同你去游水
點知係咁落雨
咁我咪打算俾你訓多陣囉
之後我同m6 講 我本來想同你去游水
但係又下雨
之後佢同我講 "唔係游水都怕俾雨滴呀"
我先諗到 係喎
點解呢 點解會咁呢
^^" 太傻了吧

之後我食左個包
又等你起身囉
等到差不多 13:00
你打俾我話你起身喇
我就同你講
我屋企得返我一個
問你黎唔黎陪我
哈 我真係成日要人陪
你話食埋飯就過黎

15:xx 就食飽野 問我食唔食野
我話唔使喇 我唔餓
你話買碟黎我屋企睇
哈 等左一陣
你就黎到喇
仲買左3 隻碟
哈哈 呀妹話 3 隻有2 隻佢買左啦
哈哈 之後我就揀左 b420 黎睇
我諗你覺得都幾悶
我地睇左 side a
我都唔想你再陪我睇
就問你想食咩
一齊去買野返黎煮你食啦

之後就同你去左買 蝦 . 冬瓜 . 金華火腿 仲有 ... 青蘋果同甘筍
哈哈 蝦我地好快就買到喇
之後我話要去施培記
哈 本來諗住冇野買架
點知就買左 金華火腿 我咁大個女都未食過呢d 野架
本來想買火腿 .. 點知想想下 屋企係有既
雖然我覺得金華火腿好怪
但係你好似好想要咁
我地都買左
哈哈 之後就去左買冬瓜
你話見到好記都有得賣
但係我見到得返d 頭同埋尾
我唔鍾意呀 唔鍾意 哈哈 原因係好難切
哈哈 之後就去左我成日去買野既 "陸記"
唔知有冇記錯個名呢
買左 4 蚊冬瓜
我知道我好想去豐擇
我都好想陪你去
但係難得得我同你2個人係屋企
而且我又冇帶3
去到我都係凍
之後又好快要走
我唔想你去到又冇得玩
所以就只好叫你唔好去
點知你仲更加唔開心
我問你 你係唔係想買
你話唔係
咁我就唔明 又係買做咩要睇呢
你話試玩下
哦 ... (無奈)
我想了解你多d
點知愈問你就愈嬲
... sorry 呀

之後就去左買甘筍
本想都榨汁俾你飲架
再買埋青蘋果
仲要你走黎走去
我覺得你覺得好麻煩
但係買野係咁架啦
我都係想買d 好d 既俾你食啫

既然係咁
下次你去豐擇睇野
我去買餸
再一齊返屋企咪得囉
咁間中我陪你一齊去睇先
間中你陪我一齊買餸囉
好唔好
又唔係一日24 小時都要一齊既
^^" 雖然我係好鍾意人陪
不過30 mins 之內既事
我都可以自己一個既
哈 我知道你掛住我咪得囉

返到屋企 你就上網
我就去左煮野
白灼蝦 + 冬瓜湯 + 撈麵
丫 好飽丫
果汁點算好呢

明天 我就弄給你喝
一定要乖乖地喝了它
不然我會咬你的啊
啜卜 ...
我愛你

18:xx 屋企人都返黎喇
我同你仲食緊野
之後就睇左一陣電視
再陪我上左一陣網
你見到 Ying 既可樂ball
我話佢話想送俾人
哈哈 你話好靚想要
我就拎d 野食出黎同Ying 換
點知佢冇樣岩食
哈哈 諗返起前2 日我先同 Ying 講
你個可樂 ball 送都冇人要啦
點知 ... 你就係鍾意
激死我 ...