今日又係唔想起身 ，
諗住搭搭七個班車，最終都係搭搭九.....
返到去又係繼續做我未做完既野，
不過尋夜左訓，今日勁釣魚 ，
所以成日去廁所，
十二點半食飯，今日無飯帶，
剩係食左十粒燒賣，又唔係好飽，
但又未至於食多個杯麵，
點半落返去，兩點半已經肚餓....
唔理啦，無野食，繼續做野，
非常悶，所以出去同呀茵吹水，
點知恐怖既事情就發生喇
咁我諗住去之前去個廁所啦，
我帶埋個對講機去，點知......
我整濕哂個對講機，已經即刻抹架喇
之後同呀茵同ling講,即刻去吹乾,最後都係......死亡
之後ling幫我同ken講，幾驚呀，
雖然都預左佢無咩反應，但咁仲恐怖....
唉.....之後就去第二座，呀茵打黎傾左半個鐘，
之後發下夢，點知跌左支筆係櫃低，
十萬個無奈囉，個櫃係十年都唔郁下，
勁多塵，勁多電線 ........
搞左好耐先執返，呀慧黎接我就走，
換衫，追巴士，火車，上去買大家樂，
搭小巴勁多人，排排下見到家姐，
叫佢聽唔到，上左車先聽到，
但我前面仲有好多人，本來我上唔到，
點知家姐話：佢同我一齊架，
之後我就飛左上車，我地都覺有d衰，
所以勁脾藉口自已，哈哈
返到去即刻食飯，勁肚餓，
之後沖涼，睇電視上網.....好眼訓