今天好早起左身,但又要瀨下床先,瀨到9點...oh...遲大到!!!!..一早身就第一時間刷牙洗面換衫衫,,之後就趕著出門口了~
上到車車,,第一時間就打比傻豬豬,,今日佢好返左好多la..其實琴晚一路都好唔開心,,因為佢病了都唔可以係佢身邊陪佢..感到有點無奈,,今早聽到她的聲音,,我個心就舒服返好多了~....琴晚傻豬豬沒精打彩的好早去了睡覺,,今朝聽佢聲音就知佢好左好多了~!! 返公司前..去左大快活食早餐,,不過我覺得同大家樂無咩分別咁..食完就返公司開始做野了~ 昨日Vivan計的數目好似有d唔對路,,之後睇返真係少左26件...麻煩了...只好囉返之前做好既辦圖出黎對返...對下對下,,都差唔多12點了~係呢個時候,,收到傻豬豬的來電,,好開心..傻豬豬好耐都試過主動打比我了~聽到佢既聲音,,第一時間有返主動了!!!!!同佢講左一陣,,原來我返到公司無同佢報到呀~搞要佢要擔心我,,掛住我..真係大蒙呢=.=" 不過,,知道傻豬豬掛住自己,,我都好開心~!!!!!
到了食飯時間,,今日又有飯盒食....((唔))...唔錯唔錯~食完飯飯就打比傻豬豬啦~哈..佢又岩岩食完喎~ 同傻豬豬一齊講心事,,係一件好快樂既事情黎,,每日可以了解對方更多~真係好呢!! 同傻豬豬講左好多將來既事情,,好Sweet..因為從來未有一個女孩會令我主動講將來..計劃將來的...傻豬豬係第一個,,亦會係最後一個...我真係好想係度講: 我真係好愛傻豬豬..我想和她有將來..想和她生兒育女..想和她建立一個小家庭..想和她結婚!!!! 我知道以上講係無用,,我要更努力去實驗出黎先得!!!!!
過了每天其中一個快樂時刻後,,又要去工作了~下午要去出差差~((其實只是去公司既ShowRoom)),,呵呵。。。真係好鐘意去ShowRoom~因為個度好靜,,一個人都無~可以做自己鐘意做既事都無人知^^"...哈哈~又留左言比傻豬豬...今次又係學晒佢,,真係好鐘意咁~!! 差唔多5點幾,,做晒今日既事了~落班前打比傻豬豬,,知道佢落班後要去超市買野~都有d擔心佢架~因為佢病病地..所以想佢快d返屋企,, 當我返到屋企既時候,,見到傻豬豬仲未上線都有少少擔心的..但最後都見到佢上線就安心了~呵呵。。。。。今晚決定唔去踢波波了~Alex係Msn叫我去,我都唔去~因為為左傻豬豬,,想陪佢~最算波友話我只估溝女,,我都會係咁做架啦~!!!
訓前同傻豬豬傾計計,,感覺仲好...今晚我地又講左好多以前既事比對方聽...每一日都係咁就好了~!!!!!
P.S.>> 處女下海,,完成西芹抄豬頸肉~食完覺得唔錯唔錯@@..希望煮比傻豬豬食既時候都可以保持水準啦~^____^"