好耐無係度打過日記,,首先講返今日既事,,今日好大雨呀!!!! 之後12點幾同雲佬、傑、大霖、alex and黑豬坐59x去荃灣,,之後再坐mtr去葵芳...哈,,係坐巴士既時候..打比老婆豬,,嘻嘻,,雲佬仲要係格黎..不過佢就聽唔到我講咩啦..因為我一早已習慣左同老婆豬講話話既"聲度"了^^"..但估唔到我竟然有勇氣係朋友面前對著老婆豬講「我愛妳」,,仲要有錫錫...自己都Ｏ左咀一陣^^..不過,,真係好Sweet....去到葵芳join阿健...出到閘時個天好黑,,黑到好似夜晚咁,,仲有大雨落狗屎咁=.=" 點比賽呀?? 好在好姐...總算去到球場,,但球場得d小朋友,,對手仲未到...我地無無聊咁睇班小朋友係度玩...玩到我地笑到6地咁@@..又打架,,又踢波,,又打欖球咁,,都唔知想點..坐多陣,,雨勢無咁大,,對手又黎了...之後就開始比賽,,今日我地得11個人..夠做...對手就麻麻啦...好早我地已經入左3球波..但去到尾段換d新人出黎踢既時候...就失了3球...不過天雨影響大家表現,,唔緊要既~ 今日咁多新人當中..覺得唱k同阿冠係最好的!!! 而阿冠我仲選左佢做今日既最佳球員,,因為佢比上次出賽時好左好多,,定左同埋係後防殺左好多波走~!!加油呀!!
踢完場波,,我地去左附近既m記食野,,唉,,無野好食被迫要食m記~又熱氣了~老婆豬一定唔仲意姐>.<.......食完野之後,,黑豬佢地係度聊d服務員姐姐,,又問人叫咩名,,住邊咁..我只好站在一邊話黑豬有一手呢@@!!!
離開m記後就去坐車車返屯門...大家無無聊無野做又話約阿華佢地去湖蝶村m記吹左陣水..之後就返屋企,,真好了返到屋企..今日好累..返到屋企就好想訓訓..但又要打報告..又要食飯飯..搞到依家都未訓...而未訓既最重要原因係未知老婆豬返到屋企未...唉,,現在是0時15分,,老婆電話又關左機..又無開Msn...可能係仲同d同事去了歡樂時光...或者係係屋企大覺訓咁...最好就係係屋企大覺訓啦....因為出左去玩,,到現在都未返屋企,,咁又要搞到小倫擔心了~講真小倫現時亦有點擔心....未知老婆豬咩情況,,又暫時未去到深圳找妳喎...真係唔知點好了~只好等~!!!! 不過,,小倫一聽到妳既聲音..就會開心返咩都唔記得晒了~^^"...妳睇到呢篇日記既...就快d搵小倫啦(( msn ....e-mail....))