今日起身呆（暈）左一陣，唔知做咩好，飲埋禽晚未飲哂既果ｄ酒．．．好掛住佢，唔知佢起左身未呢？跟住睇ＤＶＤ睇湊仔型警，好搞笑．．．睇緊果陣食左宏媽媽煲既〔足〕，睇完之後諗住叫宏開部電腦比我打返禽日未打完既日記．．．點知呀文話去踢波，佢問我去唔去，跟住我日記都未打就返左ｈｏｍｅ換衫喇．．．

踢波果陣ｄ酒唔知係唔係上腦，暈暈地＝．＝１２點幾果陣同呀文去左嘉福食野，食左第一啖之後，係咁嘔ｄ胃氣，好辛苦∼食唔落野喇又．．．跟住狗華打來話想打雀，咁我同文就又上返呀宏屋企喇＝．＝上到去果陣，個個都未到，咁我就上網打返禽日個日記佢，ｄ人上哂來ｌｕ．．．李瑪帶左支電油比我．．．比我入落個火機度。哈∼打雀ｗｉｎ左９十幾蚊，李瑪做左大輸家，７點幾果陣同左狗華，李瑪，宏同師傅去左上水孖８打機，去孖８之前食左ｍ記買野食，狗華係度撩女仔，勁狗＾＾

係孖８打機果陣未ｗｉｎ過＝．＝但係好好玩．．．打到十一點幾，就去左食野，比媽媽鬧我成日唔返屋企，好唔知點咁ｔｉｍ，食完野之後就去搭２７３Ａ返華明，返緊去果陣，佢地無啦啦係度講安全感既問題，跟住我．．．．．．

落左車之後，我同宏同狗華係度討論李瑪部車（打機）個名，最後我地三個都受到李瑪既〔洗禮〕，好痛∼∼仲要得返我同佢兩個行返屋企樓下，我仲係度串＾＾真係吹脹，但係今次冇比佢打，一個人返到樓下大堂果陣，攞部電話出來聽歌，點知首歌就係．．．唉∼首歌既歌名係：我唔識拍拖！！回想今日打雀ｗｉｎ錢，唔通真係賭場得意，情場就失意＞＜，如果有得比我選擇，我寧願輸錢，我都唔想冇左你∼曉燁．．．

唔知聽日係ｗｉｎｎｉｅ會點呢，我好驚，我驚我會冇左你，不過如果．．．我地既故事真係要咁樣ＴＨＥ　ＥＮＤ既話，我諗我點勉強落去，你都唔會．．．．．．．．．

各位有睇我日記既朋友，如果你地想知道，我同曉燁既故事到聽日會點樣既話，我聽日既日記會話比關心我既朋友知，好啦，今日打住咁多先，我又要去祈禱ｌｕ，希望主你會保佑曉燁，保佑我∼∼