今日係last day，但係我上午冇返到學，去左整智能身份證．．．約左肥魚同道歉十點係粉火零食等，９點３先起身＝．＝大獲，唔通又要遲到？我好快咁整好哂ｄ野，個頭．．．都唔知點整好，好嘔心∼

係２７３上面見到道歉，同佢一齊行去粉火，１０點岩岩好，冇遲冇早去到粉火，肥魚遲到，不過唔係好耐姐，跟住一齊去左大快活度食早餐，咩都講下．．．１０點半，搭火車去火炭，原來肥魚學緊車，比左本野我睇，有ｄ路牌估錯左∼∼

去到入境處，個姐姐話有兩個位可以整先，可以我地用左一個好公平既方法來決定．．．最後既結果當然係我同肥魚有得整先啦＾＾寫表格∼等叫號碼∼打指模∼影相∼等叫號碼∼登記做選民∼確認指模∼攞臨時身份證∼超多野做，跟住去左ｗ．ｃ換衫返學，唔記得左帶冷衫＝．＝好樣衰咁返學校，肥魚陪我係學校企左陣，佢話想見下曉燁，見完∼返入學校上堂，應該係話返入學校影相，因為今日係ｌａｓｔ　ｄａｙ，所以係咁搵人影相，我都有搵到佢，但係佢好似唔係幾開心咁，因為相入面既佢並冇掛上燦爛既笑容．．．ｗｉｎｎｉｅ又走左，搵唔到佢影ｔｉｍ．．．跟住留左係ｋｓ打波，最後一日係ｋｓ打波ｌｕ，點知左腳又整返傷，好痛，又腫左．．．放學去左搵肥廣，我同佢講左好多野，唉∼∼８點送左肥廣返屋企，跟住就自己返屋企，途中打左個電話比曉燁，同佢講我整親，但係依家佢耳經唔會再好似之前咁關心我喇．．．那是當然的，因為我地依家既關係唔同左．．．

９點幾去左同５ｄ既同學打邊爐，去到金香，原來５ｃ　ｄ同學就係對面枱，本來一直都玩得好開心，但係中途發生左一段小插曲．．．同人嘈交，落左去傾計，人地吹左雞＝．＝但係我果時醉醉地，所以都係覺得冇野咁＾＾，應雞到既人係識既，所以最後都冇事．．．ｃｏｎｍａｎ　ｓｏｒｒｙ幫唔到你ｄ咩，我都好想幫你嫁，但係．．．唉∼∼我真係覺得自己好冇用。

我地上返去扮冇事咁繼續玩，食野，飲酒．．．同佢地影相，直到金香關門，我地就走左喇．．．之後單車去左ｏｋ買野飲，個人一靜左落來，ｄ酒上腦上得超快，坐左一陣．．．單車去左買解酒藥，其他人食左兩粒，我食左三粒，但係都幫唔到幾多，反而食咁多唔知會唔會死．．．我講過唔會為左ｌｏｖｅ而自殺，但係如果比我選擇，我寧願能夠意外死去．．．或者失憶∼

最後搭的士去左單車屋企訓，但係成晚都係諗住佢，訓唔著．．．

我愛你，但係你唔比我去愛．．．