各位同志

係咪好想知溝女有咩秘訣呢

實情好簡單

就係兩隻字：真誠

你真心

又有誠意

女仔一定受你啦

掂呀!!!!!!!!!!

只係真心同誠意唔足夠嫁

仲要夠勇敢

唔夠勇敢點追女仔呀

係咪先

不過勇敢就唔係唔知醜

人地唔like你

仲要煩住人

咁就反而令人更加憎你啦

追女仔係要循序漸進

唔可以操之過急

我十分之唔建議d人

想第一次出街就拖人地隻手仔

咁樣實在係太猴禽了

會嚇親人家嫁ma

當然如果你對住姣既女仔你可以咁做既

後果我就唔知啦

我認為唔應該咁急諗住追女仔

你又唔係趕時間

做咩要咁快追到人姐

因住 黎得快 走得仲快

一段長久既感情

要有好深既基礎

首先應該要同人慢慢認識

要令對方對你產生好感

e個的確好難

但係做唔到你就追唔到嫁啦

點令對方對你產生好感呢

e個又好難嫁wor

你首先要有禮貌

就算係好想識人

都唔好咁魯莽

沖出去問人拎電話,msn

要同人傾下計仔

搭下嗲

咁先好嫁ma

假如識左一段時間既話

就可以搵日行埋去傾下計

傾幾次之後就拎電話 msn

咁樣就自然d

咁有對方msn 電話啦

就傾下計啦

傾傾下就熟嫁啦

適當既時候約佢出街

不過多數都約唔到嫁啦

e個時候

你就要約多成班人

咁樣咁多人

先可以搏下蒙

同佢多d接觸嫁ma

咁佢就會信你多d嫁啦

以後 你覺得時機到

就約佢出街

約幾次 咪表白囉

咁樣就冇咁突然啦

揀女仔呢

最緊要既唔係令女

而係同自己夾唔夾

唔通追到手之後就日日鬧交咩

咁樣係好唔掂的

所以各位

要揀好對象

先好追呀

我講既方法

只可以參考

唔好跟到足呀

跟到足就好行

同埋事情係冇咁順利嫁ma

你自己要學識變通啦

放心

有問題可以搵我

我實支持你

不過本人既可信程度唔高.....咳咳

自己努力啦~~~~~~~