早前獲BE邀請參加< Marsha Medical「美肌重塑」療程>試用活動，
6月12日我到了Marsha旺角店進行療程，
我覺得Facial做得真的不錯，
就是staff出問題，hardsell兼沒禮貌，
這樣facial做得再好，也留不住客人。

先說說體驗過程，
到達後先要填一份問卷，了解你護膚習慣
然後staff帶我到房間準備，

然後美容師先跟我講解一下療程的程序及功效，

待我完全明白後便正式開始。

接下來的FACIAL會用到的產品及儀器

先用含微量果酸的洗面產品潔面，

順道測試一下皮膚有沒有過敏反應，

會不會太刺痛，否則不能繼續下去。

潔面後，美容師把一層薄薄的果酸塗到面上，

刺痛、拮面的感覺很厲害呢，

美容師說因為我皮膚比較薄的關係，刺痛也會比較厲害，

所以別人敷2分鐘，我只敷了一1分鐘~

就在敷的期間，美容師一邊用小風扇吹著我的面，

幫皮膚降降溫。

1分鐘過後，美容師會用蒸餾水沖洗面部，

把果酸沖乾淨，再用蒸餾水浸濕面膜紙，

敷在面上15分鐘，好好鎮靜一下皮膚，為皮膚補補水。

接下來，要進行Cryo冰極注養修復療程，

由於會有電流通過身體，所以做的時候身上不可有金屬的東西，

否則可能會觸電，也就是說不能拿相機拍照咯~~

用的是就是相中右邊的那一部

通過電流將營養和水份注入真皮層，加速氧份吸收，

可以收緊面部鬆弛的肌肉，達致提升輪廓的效果。

美容師會先貼一個防觸電的貼貼在手臂上，再在面上塗上精華，

便開著儀器在面上碌，電流通過儀器進入皮膚，感覺涼涼的，

但當碌到肉比較少的地方如額頭和下巴會痺痺的，

好像腳痺一樣，又像靜電一樣。

碌了15分鐘後，美容師把水分精華厚敷在面上，

又待15分鐘。。。。。

最後，美容師幫我塗了一點防曬面霜，整個療程就完成了!!

皮膚飲飽水，很飽滿、有彈性，也白了點呢!!

毛孔及皮膚的紋理都比較細緻，

只是暗瘡粉刺位會有一點紅而已。

效果非常不錯。

做完facial，Marsha設有梳妝間給客人，

梳頭、吹頭、化妝，很好呀~~

可惜，正如我早說的staff有問題，

不能隱惡揚善，即使得罪品牌也要說給大家知。

招呼我的美容師，每次敲完門就直接衝入黎，

敲門純粹知會，完全無等我回應，這是基本禮貌，有多難?!

之後，開始做facial一陣，

就同我講話:「你皮膚好多問題..d毛孔比較污糟，有粒粒....」

你比advice我，我無任歡迎，

但唔係第二句就叫我join你地公司既plan囉，

佢話:「你應該keep住做呢個療程，呢個煥膚可以幫你清走皮膚的污糟野...

keep住做，尤其是第二三次個效果最明顯。」

我沒有回答。

之後又話:「你額頭有好多BB毛，做laser脫毛丫，

我地公司都有做laser脫毛架，不過你要做多幾次先得喇。」

我話我無諗住搞佢，

跟住佢竟然話:「睇相話多BB毛對父母唔好..因為我都有BB毛，不過無你咁多~」

離哂譜!

隔左一陣佢又問我:「有冇諗過打針?」

我話我之前都有諗過下打針瘦面，

跟住佢就話:「我地公司打針好抵，

唔同出面個D寫到好平，之後有好多附加費，

我地就$1500無附加費，而且網上同d客既comment都好好，

不過我地唔係晚晚都有醫生係度，得星期二、五先有。

今晚醫生係度，有冇諗住今日留低打埋呀?!

不過booking都好full，你要打都要排隊。」

SELL哂佢公司唔同類型既服務咁濟，

仲有，BE同Marsha事前都無要求帶同意書去，

所以我無帶，佢叫我呢幾日內上去交返比佢地，

我話唔經開，下次做facial先，

另一個counter既staff就好似唔多滿意咁，

話:「我地一定要收返，交返上寫字樓!!!」

我離開之後，即時打返去BE表達意見及不滿，

兩日後我收到BE的電話，

BE staff話:「我地已經幫你同Marsha marketing講左你既情況，

佢地話會注意一下。」

我聽完仲嬲，一句「注意一下」就算?!

已經唔係直接contact我，仲要「唔好意思」都冇句?!

有冇搞錯，我唔係要求你地補償喎，

交代一下都冇，求其敷衍了事，

我覺得真係好差，無法接受!

但都要多謝BE staff聽我講同轉達，

問題不出於中間人BE，而是Marsha既同事!!

The End ! Thank you !

Email : [email protected]

Blog :

FuNgLinG/風鈴’s BeLiBaLA yArd | 宣傳你的專頁