以blogger身份去美容院試做facial也試不少，曾遇過不少高質素的，也遇過有heart、pro的美容師。
但hardsell一向都是最忌諱的，即使facial／美容師再好，印象也大打折扣，更莫說付錢join plan啦！
去年在Marsha首次體驗hardsell，想不到在G2 Beauty再次遇上，還要更嚴重，更糟的是整體服務也不太好。
話說我上兩星期去到G2 Beauty 旺角分店試做，(本來我選尖沙咀，但因裝修而被轉到旺角)
要讚的是地點方便，大廈對著旺角地鐵站A1出口，而且裝修還算光鮮。
到店後，我向reception職員表示約了12點試做，但她完全不知道甚麼回事。。
她問：[ 是甚麼試做？ ]
我答: [ theztyle.com 的blogger試做~]
她仍然一臉不知情的問: [er...試做那個facial? 有冇信證明?]
我再答:[試做透明質酸facial。冇話要帶信喎~]
旁邊的staff出聲叫她問 同事 Linda~~
等了一陣，終於有staff知到底是甚麼一回事。。。
罪名一 : 內部溝通不足 !!
之後staff就給我一份form，要填寫的資料可不少呢!!
婚姻狀況、子女數目如此無關痛癢的個人資料都要填....
填完之後，被帶進房。。。
房間非常小，就連放個人物品的地方都沒有，只能放在床下底。。。
而且非常陰暗~~~整個感覺就是不良好 !!
當我拍照時，美容師Linda以半鹹淡廣東話，夾雜普通話地說 : [ 你要影"上"?等我"質質"間房先。]
OMG!! 就連毛巾都未摺好、鋪好.... (這張相已經執好~)
當我看到這一埋"用普通透明膠樽入起的" 護膚品，就連牌子名都沒有，
給人很不專業的感覺，就好像用的是很便宜的材料。。。
還好仍然有其他儀器....設備未至於太簡漏~
另外，以往去其他大型美容院做facial前多數都會換袍，這裡也是沒有的。
更糟的是，當我躺了在床上，美容師才出去預備要用的東西。。。又等了我差不多5分鐘...
美容師回來時，突然醒起未做水份測試，又要再出去拎.... 又等!!
做完水份測試，終於可以開始facial了。。。
由最基本的卸妝潔面開始，這時戲肉來了!!
美容師邊做我邊影相，她突然用她半鹹淡的廣東話跟我說: [你要一路影相架?!]
我答:[係呀~你地公司邀請我黎試做facial，我要影相返去打文講感受，冇相唔得~]
她說:[下，咁樣我會"巧"緊張架喎，可唔可以唔影?]
我答:[你放心，我唔會影到你架，只會影我自己，而且我不阻到你，你照平時咁就得架喇~我會自己就返。]
她仍然不放心: [呢個係我好"單"心既問題(是指會不會影到她)，但係你影相，我會覺得唔方便。不如你淨係影效果丫!]
我答:[咁冇左個中間個段過程，我好難打文架~我一係影少d，每個個step都只1-2張，咁會唔會好d?]
她沒有回應，但事情還未完結。
隔了一陣，她在沒有通知我就突然走出房間了，回來後就有一個著黑色suite、應該較高級的staff一齊入房了。
跟我說:[封小姐，你好。我叫ar Bee，我地想你可以感受一下個facial，不如等Linda做完一part你先影效果相丫。]
我又要再一次repeat: [你地公司邀請我黎試做facial，我要影相返去打文講感受，得效果相係唔夠架~]
她又說:[因為你一邊影，令到Linda好緊張，可以會影響到佢同你享受個facial架~~]
wtf !! 試做不可以一邊做一邊影相，還是第一次，我都不明白，我又不會影到她，又沒有阻到她做facial，卻硬要阻止!!
算!! 少了些相，損失的又不會是我，不是我不影，是你們不給我影，到時別怪罪到我頭上。
之後就是修眉、清黑頭、粉刺。這裡很特別的，不是用針清，而是用手擠。
難為美容師還說得出:[係唔係好特別呢?!呢度唔用針去清而用手~~] 我快暈了!!
之後重點環節，是利用儀器在表皮注入 2ml 透明質酸。
儀器呢?! 不是已經準備好嗎?!
Linda又走出去，把儀器推進房。。。
先塗了一層不知名的透明啫喱在面上，Linda告訴我把 2ml 透明質酸放入儀器，之後仍會霧化注入皮膚，不會痛的。
之後儀器就在面上游走，只聽到儀器的聲音，就像"禁原子筆"，躂、躂、躂 。。。完全沒有任何feelings....
就在這個時候，Linda又用她的不標準廣東話問我:[點呀?!覺得得唔得呀?!]
我答: [得呀。無問題!]
她突然好緊張的說: [吓? 得呀?! 邊度得呀?!]
我唔明佢講咩，就答: [咩意思?]
她再問: [我問你"吉"唔"吉" 呀~~]
(shxt !) 我才恍然大悟，再答她: [哦!原來你係問我拮唔拮呀!! 唔拮呀!!]
豈料她略帶不滿的語氣說: [真係比你嚇死!!]
(what the hell....這是我問題嗎?!)
之後做完半邊面後，Linda不知在整甚麼，整了好幾分鐘都不繼續做另一邊面，於是我坐起身看看發生甚麼事。
這時Linda看到我，才跟我說儀器出現故障....
(心想: 有沒有搞錯!!有問題都通知聲丫!我係度白等都唔知發生咩事!!)
她還帶笑的跟我說: [你不要怪它~~可能最近好多人做呢個facial，搞到佢好支力，想抖下!!]
我就快被氣暈了 !!!
再隔了一陣，儀器終於回復正常，可以繼續了。
之後就Linda再在我面上加多了點那些透明啫喱，然後敷上10-15分鐘。
然後將它洗掉，再補上面霜，防曬。
幾經波折，終於做完個facial了!!
Linda 還忘記了step 5，完成facial後沒有再幫我做一次皮膚水份測試!!
真係... 毫不專業 !
前後對比，分別不大，感覺就好似敷了一個普通補濕mask，皮膚的水份提升了而已。。。
走出房間後，我去了梳妝間，吹吹凌亂不堪的頭髮。
一陣後，門外傳來一把聲，問: [佢仲未出黎?!]
我當時不知道那個佢，原來是指 我 !!
直到我聽到Linda回答: [未!]
而當我一開門時，那個ar Bee就站在門口附近，那就解釋了一切!!
(damn !!) 這算甚麼服務態度?!
Ar Bee見我就即時說: [封小姐，呢邊丫!]
就把我帶到一間細房內，還關上門，說: [ 請坐~呢度做完facial要簽返個名。]
簽完名，她問我: [可唔可以比你頭先影個d相我睇呀?! 因為公司規定呀~]
(我那一刻O咀了)
她便再說:[放心~循例上睇一睇架咋~~]
但都睇左成3分二先比返部機我!! (嬲 !!!!)
之後她就開始發功sell我。。。
又問: [做完個facial覺得點呀? ok 嘛?! 呢個facial好好架，係用d靚料架~ 平時都唔平架!
你有冇興趣丫，而家做緊特價呀~~]
我答: [我冇興趣呀~]
她又說: [吓?點解呀?你唔好介意，其實你d皮膚唔算差，但係就比較乾、有唔少暗瘡印同雀斑，keep住做facial皮膚會再好d架! 如果你係嫌太貴既話，我可以再平d比你架喎!! 而且你輪廓都唔差，個鼻好高好直，係咪打過針?]
(shit !!竟然問我個鼻係咪整過?! 簡直是侮辱 !!)
我答:[我個鼻係天生既，冇整過!! facial我唔洗喇!我冇呢個需要。]
她話:[ 你唔想靚d咩?! 趁後生keep下會好d喎~~而且你d皮膚都比較薄、好易紅。我有個客做左呢個facial之後，敏感都改善左好多。我可以減到$8xxx比你。]
我答: [我真係唔洗喇~況且我間中都有試做，可以唔洗join plan，再講個facial都係一般。]
她無視我說facial一般，就繼續講: [梗係keep住係一間度做會好d啦，有人跟住你既皮膚狀況，會清楚你既需要。而且多數試做，d料都會係差d架~~]
oh...試做d料都會係差d架!! 咁我明白了...唔怪得個facial d質素咁啦.....
我開始唔耐煩，答:[我真係唔需要，我趕時間。]
她仍死心不息，轉sell較為基本的facial。
她 : [你係學生，透明質酸個果對你講可能太貴，一係試下呢隻facial丫，有哂清潔補濕，一次都係$3xx，
我可以送埋特別的精華素比你做喎，效果會再好d架。支精華素平時一支2ml都賣$2xx幾架，所以而家$3xx有得做真係好低!]
我: [真係唔洗喇!! 我冇諗住join呀!]
她仍無視我的不需要，續說: [平時買件衫都$3xx幾啦，買少件衫就可以令皮膚好d喎~~點解唔試下呀?]
我終於忍唔住 : [我唔會join架喇，我趕時間，係咁先啦!!]
隨即彈起身開鎖出門 !!
她才收口: [咁好啦!有需要再返黎搵我啦!]
一個大概100分鐘的facial，最後花了我2.5小時 !!
還要試到一肚氣 !! 效果又不是很好 !!
一個字 : 差 !!!!!!
肯定不會幫襯 !! blacklist !!
終於打完 !! fu~~~~
將所有都吐出來舒服多了~~
The End ! Thank you !
Email : [email protected]
Blog :
Y!Blog
Ztyle
BeautyLife
BeautyExchange
Qooza
Fashion&Beauty
She.com
Sina Blog
Elle.com
iMore
UBeauty
Blog DB
ESDLife Wow
Style-tips
Facebook:
http://www.facebook.com/ling0hoi
Facebook Fan Page:http://www.facebook.com/fungling.fungling
FuNgLinG/風鈴's BeLiBaLA yArd | 宣傳你的專頁
Weibo :
http://weibo.com/funglingling
|
