上星期五收到PR送來的Ultra Adventure Kit，入面有Kiehl’s 皇牌產品 - 特效保濕乳霜慈善限量版、特效保濕乳霜其中主要成分 - 澳洲白茅小盆栽 、可摺疊水樽 及 萬用刀。
ummmm 寄特效保濕乳霜同澳洲白茅小盆栽比我我明呀~
但係可摺疊水樽同萬用刀又有咩關係呢??
唔通同Ultra Adventure有關??
原來今年係特效保濕乳霜誕生12週年，Kiehl’s 破天荒邀請丁子高、何超蓮 及 ILUB拍攝Kiehl’s Ultra Adventure 挑戰無極限真人show，遠赴紐西蘭進行多項考驗智慧及體能的海陸空極限挑戰，同時帶出Kiehl’s 特效保濕乳霜無懼極地天氣！
而Kiehl’s 今年1月1日推出的慈善限量版，是由慈善機構Smile with us HK創辦人何超蓮設計，以「發放微笑正能量」為主題，以淺粉紅色為主調，用心形氣球包圍，象徵快樂及正能量的笑臉，為有特殊學習需要的基層學童籌款！
為肌膚保濕之餘同時為慈善出一分力，一舉兩得，大家都一齊支持下啦！ (HK$295/50ml ; HK$500/125ml)
講返個Ultra Facial Cream，質地輕盈不黏膩，好易推開塗抹，用後皮膚感覺水潤、柔軟，仲好滑手！
用完全日都不會覺得乾燥！
下個星期市區最低氣溫徘徊在8至10度左右，相對濕度最低得45%，要出動Ultra Facial Cream幫皮膚保濕先得喇!!
|
