今日，自己靜靜行左段路，
發覺好靜好靜，
前所未有咁靜，
原來，有一把聲，
我已經好耐無聽過啦。
戈把聲，就係我老豆把聲，
自從去左返工之後，
我同老豆都有成個月矛見面啦，
朝早我放學，佢返工，
夜晚佢收工，我開工，
到我收工啦，佢訓左，
每日真係見唔到一次面。
以前，好憎見到佢，
因為同親佢一齊，
開口埋口都係俾佢罵，
覺得佢好煩，
但係依家無人罵，
返而又有些少唔自在。
今個星期日好似係父親節耶，
等我叫定成屋人，出街食飯，我請，
哈哈，講真，全屋人都講過食飯，唯獨我未請過，
今次等我黎啦，橫掂搵到錢，破費一下，無傷大雅，哈哈^^
| 
