發覺自己頹廢左好多， 測驗終於都唔合格啦， 雖然話一早已經估到有今日， bt無諗過呢一日會咁快到。
仲有個星期就考試啦， 好想考好佢， 但唔知點解有心無力咁， 下年高三啦， 好快就畢業， 真係唔知到時我會點。
希望下年d老師教得好好地啦， 唔好好似今年咁，教到唔清唔楚， 有聽等於矛聽， 如果唔係，下年等住畢唔到業啦~~ 當然，我都要搞返好自己， 否則一樣等死~~
成個禮拜無打過lu， 因為忙得滯， 成個星期晚晚係到整flash， 加上公民又要做報告bo， 晚晚都要成兩三點先有得訓。
上個星期六， 去左睇一齣電影， 一套由澳門人拍ge電影， 主角仲要係精神病康復者黎架， 套戲我都有得演出架，哈哈~~ 雖然係做d小角色， bt自己睇返都好開心。
星期日，去左歌唱比賽度幫手， 有十個選手，五澳五港， 香港d超勁，又歌又舞， 而且唱得超好， 冠亞軍都係香港攞晒， 澳門唱得最好戈個(把聲有成95%似原唱) 都只係得第三~~
今日返工超輕鬆， 返到去之後同d細路係樹睇電視， 跟住話去踩單車喎， 因為我要睇住佢地， so順理成章我都有得踩埋一份。
踩左大概一個鐘左右就返家舍lu， 然後中午食pizza~~ 雖然話係戈到d人自己整， bt係都好好食下架^^ 而且仲有汽水飲添~~ 今日真係超正斗的說， 如果個個星期日都係咁好lu~~
今日晏晝，係三盞燈度唔知搞個咩活動， 我就俾青洲社區中心委派左做義工代表， 發表我做義工ge感受， 初時我講完，都ok滿意自己ge表現， bt之後睇完另一個人講就唔同lu， 相形見拙丫嘛， 原來我仲有好多要改進ge地方架~��
哇卡卡，今日去左剪頭髮， 剪到好薯仔呀~~ 留左好耐架啦， 有成三個幾月架啦， 本來都唔想剪架， bt今個禮拜六有野做， 要用個斯文樣見人， 所以就要將我呢三千煩惱絲斬斷lu~~
