今個禮拜直頭係我一生人到今時今日最無運行既一個禮拜！

真係仲黑仔過黑仔！

首先，係星期一放學之後，

番到屋企玩左陣電腦，無無聊聊咁，

過左個晏咒，到夜晚，

又無無聊聊咁食飯。

到第二朝，開始黎料喇！仆佢個街！

我晨早就醒左，醒左又無野做，

咁咪睇電視囉！

睇下睇下，我老母就起左身，

佢問我做乜野訓係張梳化度，

又問我係咪有病！

真係隊你把烏鴉口，真係有病！

發燒！仲要100.6度添！

燒左兩日，燒下燒下，就咁就過左兩日！

星期四就開始退燒！

因為今日有場波係

奴沙足球隊對愉園青年軍，

咁我有份打，(我代表奴沙)

咁星期四晏咒就要去練習！

到今日，係學校，

無無聊聊，百無聊賴，渾渾噩噩！

就咁就過左去喇！

終於到三點正，場波開波喇！

點知個太陽係正個頭頂！

曬到咩咁！

對於琴日先病原o既我，就梗係辛苦啦！

上半場打左十分鐘就死下死下咁！

點知仲比對面個條友狂扭我！

有一次佢過左我之後，我自己失左平衡，

隻腳唔小心「cake」到佢隻腳！

佢扮野扮到我好似特登踢佢一腳咁。

點知條粉腸球証，吹罰我，

仲比紅牌我，趕我出場喎！

仆你個街呀................................