大家有無唸過，其實我地宜家做嘅嘢，係會喺幾億兆年前有人做過嫁呢，或者係幾億兆，甚至幾兆兆，又或者，未來會有人做我地宜家做緊嘅事嫁呢？我意思係，譬如喺未來或以前，又有個好似我咁嘅人，喺度打字，寫網誌，而果日又係三月三十一號呢。你唔好以為我係講緊前世或今世果啲無聊嘢。我係講緊n年前，而呢個n，可能係一個天文數字。由未有恐龍，追溯到未有地球，甚至未有宇宙。點解我咁講呢，其實有兩個要點：

 

第一，我認為，喺呢個世界上，有一樣嘢，佢係永恆不變的，同埋，佢係無限的，我意思係無限大，亦都係無限小。係咩？係時間（time），我意思係時間，可以係無限大，即係n年後，無限小，n年前。

 

第二樣，呢樣嘢，只係我自己個人認為，雖然毫無理據，但我覺得要証明佢唔係會難過証明佢係。就係，我覺得喺呢個世界上，所有嘢都係不斷循環。人嘅生老病死，大自然萬物，宇宙嘅一切一切，一定會由開始，去到完結，由完結，去到開始，不斷循環。小嘅，有大自然萬物；大嘅，我地可以宏觀至宇宙創造。

 

有好多人問，宇宙係點形成，有好多人都相信一個學說，話宇宙開始時，係任何嘢都無，係由一次驚天大爆炸，所產生嘅塵埃，就形成現在嘅星球…呢個解釋姑勿論佢嘅可信性，但係，有無唸過，究竟爆炸之前，係點嫁呢？

 

由於我假設時間係無限，同埋，所有嘢都係不斷循環，所以我嘅推論就係：我地唔難保其實爆炸之前n年，可能之前，呢個宇宙又有一個叫地球嘅星球存在；又或者，喺呢個地球滅亡之後，宇宙滅亡之後，宇宙又再重新形成，可能相隔無限咁多個n年之後，宇宙又出現一個好似我一模一樣嘅人，又係呢度寫嘢俾人睇呢？

 

所以，只要你深信(我非常深信)，時間呢樣嘢係無限，咁樣，其實，咩嘢事都可能會發生，下十n兆年，可能果時果個地球嘅太陽，可能真係由西邊升起的呢。甚至，地球可能會由南至北咁轉呢？

 

所以呢個世界，我覺得根本係咩都有可能發生！地球毀滅一定會發生，呢一轉嘅人類去第二個星球居住都有可能，世界末日一定會來臨。呢d就係我深信。完完全全，只係在於時間問題。