我個人，好求其，覺得咩都無所謂。其實，我只係明白，睇嘢，其實可以兩面睇嘅。其實我好細個，就以經為自己製造咗一個唔做嘢，唔溫書嘅藉口：

好多人都認為，你頭半世好勤力，好辛勞地工作，就可以令到你後半世好舒服，好開心。但係如果你上半世懶躲，你下半世就會好折墮。但係，我就會咁唸，你上半世勤力，下半世享福。呢個，係等如先苦後甜；但係，你上半世懶躲，下半世折墮。呢個對我而言，只不過係先甜後苦而已。

大家都覺得先苦後甜好過先甜後苦。其實，分別只係在於次序，大家都需要有一半苦，一半甜。即係話，大家都係一樣。

所以，究竟要點樣先可以甜一世呢？其實，只在於自己…在於自己嘅心境，只要自己快樂，咁你就算苦緊─做緊功課，溫緊書，又或者做緊乞衣乞緊食，都會係甜啦。你話係咪？

所以，你話我求其，我無所謂，在我嘅角度黎睇，我只係睇得開啫…最緊要係咩呀？自己開心咪得囉。