我百分之百相信，呢個世界，係有外星人。

宇宙，科學家的發現已經証明佢至少有幾大，但其實，根本就係仲未量度到可以有幾大。

就攞佢暫時嘅最大數，150億光年，都好大啦。既然係咁大，咁點解偏偏係地球，先至會有生物呢？所以我深信，呢個宇宙嘅某一個角落，一定仲有生物存在。

我呢一類嘅思想，我相信係因為我睇電視，電影，睇得太多。但係其實(至少)我自己係覺得好合邏輯，好合情合理，兼好有可能。

咁點解我地暫時又見唔到呢？其實，你要我作一百個理由，都得。可能其實人類已經見過，例如係「羅茲威爾」事件，政府唔肯公開。又可能係，我地地球就已經係最宇宙最先進嘅星球，仲未有星球發明到太空船之類。

我都係果句，呢個世界無嘢係無可能，只係你相唔相信而已。