聖誕節過後..一切回復正常..我依然係訓到成隻豬咁..唔同既係..我間唔中都有做下功課..但係溫書..就真係唔知由邊一到入手好..大家都開始左溫書未呢???24號平安夜..大家發誓唔會做東涌佬..佢地話點都要衝出東涌..我好天真咁比你地呃左出去...6點出發..大家十下十下咁出左西九龍..諗住搵野食..點知冇位..死肥仔係咁叫肚餓..鬼叫你成日食一個杯麵咩..玩呀?只好閃左去長沙灣食大碗麵..食下吹下..9點都未到..你地提出左一個好好既建議比我..不如返東涌喇=_____=...真係比你地吹漲..係地鐵到漫無目的咁走圍坐..去到中環既時候...你地話去老蘭..聽完真係o曬咀..好彩你地唔係認真既姐..郭sir又唔同我地返..真係返東涌喇今次。...知道家興唔開心..於是去左文東同佢吹下水玩下咁..見到志同光..你2條友唔怪得次唔出街喇..成班排球隊女仔都係到..不過我唔知點解好似唔係咁鍾意佢地咁既。之後返逸東打嘉林..再去炮台講鬼故..點知變左講笑話..哈.......到左2點幾就返歸覺覺豬..你地又過成點呢??ps..lb你真係衰呢..sms你成晚都唔應我..第二朝sms又唔回..搞到我仲以為你有咩事發生...好彩見到你online咋。