今日本黎心情好好嫁，係因為今日係我生日，

我就係前幾日約左好多朋友去BBQ，

點知到左今日，先話比我知話唔去，仲要係全部都係女仔，

係唔係我唔受女仔歡迎呢???

知道左呢個消息之後，我真係有D唔開心，

不過已成為事實，只好接受啦，唔係仲可以點??

我一開始就約左呀雞去買野，係買野o既途中，

我先知道，原來有D朋友會黎(係男仔)

好意外，我有約佢，但佢冇覆我，我仲以為佢會唔黎，點知佢黎左

今日全部都係男仔同我慶祝，比我想像之中多人，想像之中開心好多~~

佢地好早就去左釣蟹同去游水，所以我收到o既禮物就係，~蟹~

不過到最後都係放生左，

我地燒完野食之後，原來呀國有買一個蛋糕黎(車里子o既$15個種)

不過我地就唔係吃，而係用黎......我諗大家都知道用黎做咩啦，

所以，我地就開始一場蛋糕大戰~~我係第一個受害者，

原來全部男仔一齊玩，開心過有D女仔係度，

我唔係話有女仔係度玩得唔開心，而係D男仔玩得唔夠放，

今日最唔開心有係我地搭輕o既時候比人捉，(詳情唔想打)

第二係約人，我以後都唔做搞手，約左又放飛機，煩