琴晚去左上水石湖墟市政大廈三樓個度食飯. 嘩~ 好鬼好味呀!!
食左３個餸：
紅酒汁牛脷 $28
四季豆炒咸肉 $42
蠔餅(小） $35
首先講下個地方，反正就係市政大廈既格局，同上環街市個Ｄ差唔多！！入到去都唔算好污糟，Ｄ地方都幾乾爽∼
直行第二條行轉右，我地就係食左呢間勒（唔好問我咩名，我根本無留意！！）。
我都知呢Ｄ市政大廈好多都卧虎藏龍架啦∼不過無諗過Ｄ野甘好食^^
紅酒汁牛脷 $28
呢個係向佢個特價ｍｅａｕ張紙度既，有好多唔同汁既牛脷。估唔到２８蚊都甘大碟，又多汁。我好鍾意佢個汁，校得好好，好惹味呀！！就算唔鍾意點汁，就甘食都ｏｋ∼佢又配埋ｄ著仔，食到我好開心^^
呢碟野８２蚊都值呀！！
四季豆炒咸肉 $42
炒得幾香口，同埋我覺得佢個幾粒面鼓幾夠味∼有水準！！
蠔餅(小） $35
兩個人食飯，叫兩碟太少叫三點又好似太多，見到有”細”蠔餅咪叫下囉！我鍾意食ｍａ！但係我唔覺得佢係”細”蠔餅囉！同廟街個ｄ一樣甘大碟∼
呢個真係要讃下，個粉整得好，而且，好夠熱！（須知道凍蠔餅係難食到嘔的）直情熱到燙口∼不過ｄ蠔無咩味，呢樣略差啦∼好在個粉搭夠∼
佢個粥都要講下，唔知點解好鬼多米的，食到我勁飽＠＠
總括黎講，佢ｄ野好夠熱（不過我想佢凍番小小＝＝”），用既料又唔錯，而且平！有咩重要得過夠平！！
唔∼我會比９０分^^
下次再去過∼∼∼∼
