意料之外
網誌分類：蚊蚊的生活 | 網誌日期：2009-03-22 20:49
這兩天, 可以用意料之外來形容.
剛過去的星期一至星期五,正如前文所說,簡簡單單就過了.
本打算將這種清靜延續, 除了星期六同男朋友仔晚飯之外就沒有其他約會了.
星期五晚, 同媽媽又嘈左幾句, 嬲嬲地又攰攰地, 就9點幾就走左去訓LU~
第二朝, 8點幾就醒左了. 記起早幾日睇新聞, 有個女船長做港澳船既, 好奇之下就睇下相關既資料啦. 一來可以幫細佬睇下有咩行業有前景, 二來又好奇一個女人都可以行船?如果好好人工都不妨諗下! 反正做MERCHANDISER都越來越唔好做.... 睇下利x一下子裁甘多人都知啦......
好快就比我搵到個好好睇既討論區, 足足有有成83頁甘長! http://forum.ibike.com.hk/viewthread.php?tid=13398&extra=&page=1 入面記錄左一個海員既入行同工作生涯. 再睇埋 http://seagoinghk.org/chi/default.asp?main 呢個website, 真係叮一聲知道左好多資料呀! 原來讀一個23星期既課程, 之後就可以做甲板見習員, 大概都有7-10k. 再累積兩年行船時間, 就可以考試之後升職, 人工都ok的! 最重要係, 呢行係發展高鋒期, 未來10年都好好撈. 當然, 行船wow, 梗係又悶又要六親不見啦.... 哈哈, 唔好搞我啦. 雖然我對於有發展既行業其實好有興趣, 終好過好似吊命甘向一個打到殘哂既行業生存~
向我睇緊資料既時候, 忽然間表妹msn我, 叫我幫手試下電眼睫毛既藥水, 本來想搵寶寶去架因為佢都有電開架ma, 不過原來佢去左台灣wow, 甘我自己上去啦..... 結果, 電到好核突呀!!! 下次都係唔做呢d甘既model啦..... 不過, 可能因為我成日捽眼, 整亂哂d睫毛, 先至電到甘樣啦!
不過, 有得同BB will玩, 補番數啦! 呢隻巨b好鬼得意, 8個月大人仔, 就鬼甘好力水, 又表情多多, 好kawaii!!!
夜晚食完飯飯, 本來玩多陣電腦第二日向屋企訓晏d架ma. 點知10點幾收到麗人姐姐電話, 話今日要影相, 但係個助手臨時甩底! 好啦見第二日得閒, 就幫下手兼當玩下啦.就係甘, 今日就做左一日攝影師助手勒!! 哈哈, 自我增值ar ma, 第時比人炒左都多門手藝呀!
一朝早, 8點鍾就跟發發車出發啦! 去到studio, 左搞右搞整到成12點先出發! 都唔知點解搞甘耐架??
我呢個助手就巴閉啦, 唔餓得架, 一肚餓就咩都唔理咩都聽唔到,食完乾糧先理. 今日去左數碼港後面個草地, 影影影左成兩個鍾, 之後我上車就覺覺豬(hey你估我真係助手咩...), 訓醒就到左"樁砍角"個天涯海角, 對住個港既, 好似向赤柱附近. 個港都幾一望無際家, 佢地話d人向個度睇日出既, 呵呵, 有機會我都想睇下, 不過無車好難入去!!
向數碼港影左無耐既時候, 忽然間收到媽媽既電話, 問我去左邊, 通常我都唔答既因為我唔知佢又會講咩, 甘我就話同朋友去影相啦, 跟住佢問我向邊區, 甘我咪話數碼港囉! 跟住, 佢話, 佢向醫務所睇緊醫生, 不過醫生叫佢入醫院~ 所以想睇下我向邊~~~ 甘我去到甘遙遠, 唯有即刻打比細佬同家姐, 叫佢地去睇媽咪啦. 不過, 最後媽咪都無咩事, 只係佢太暈所以先去醫院. 所以, 我都繼續跟隊影相, 只係到左旁晚, 就急急腳番左屋企勒!
就係甘,本來呢兩日係預左hea爆既, 結果反而發生左好多事. 不過, 都慣家啦. 我不嬲都覺得, 個天從來都唔會比我太舒服, 一定梗係要比我有d事發生. 不過, 每次我都可以安然渡過, 已經好好彩架啦~~~
