昨日無同寶去大嶼山，無衰鬼節啦，

諗左好內都係唔去啦，因為怕媽咪擔心同既然要小心既事，無謂去博啦，，，

而且我知寶有立陪就ｏｋ啦，，，

今日好晏先出去，因為無錢用啦，，，

重遲左到．．．．

去到個度，估唔到有咁多人去，哇．．１８個呀

真係好好玩呀，可能因為第一次去，好新鮮呀．

以前覺得依ｄ好容易，但原來係有部署既．同好刺激呀，唔知幾時有人會射你．

又唔知ｄ人係邊．但最開心係自己可以射到人，哈哈

跟住ｄ教練，真係重ｈｉｇｈ，好型呀．．．

玩左成６個鐘，都好似唔夠咁．

比人射到瘀左，都係值得既．．

我諗都好少機會再玩啦．．．

今日第一堂學游水呀／／／

哈哈，一大早落狗屎咁．

一路學一路落，咩都睇唔到，

但學左一個鐘到，出晒太陽啦，

之後去拎身份証，哈哈，好在唔係好似張行街ｐａｐｅｒ咁咋．

之後又漫長既返工啦，要收１１點呀．

６點幾起身，到而家．．

佢好內都無發我脾氣啦....

今日係咁鬧,又係咁話我,叫我d野又無做...

我都覺得唔急,都唔明佢成日都係到吹,,

我知,我係無做,因為太懶啦.

但點解要係咁煩我,要我做依樣,做個樣

好煩呀!!!!

但唔知點解,而家既我點解唔會做,唔想做呢

以前我會好聽話地做,唔會拖....

最後我發哂脾氣(艾)唔好一齊,咁唔滿意..

我都唔想咁講,因為我知道好嚴重,亦好傷佢心.

但我發覺自己唔想有人束縛我做任何野,

可能習慣了!!!!

其實我開始唔知道自己點諗啦...

究竟想唔想一齊呢...

之前有人同我講對斌唔好雞蛋中搵骨頭,

唔好係一個對你咁好既人身上搵特登d自己唔滿意既地方.

可能我只係咁諗掛,想搵掛