今日去旅行，旅行地點係ｃ子山郊野公園，係車到，有我地班組成ｇｅ溫拿五「苦」係到唱歌，到左之後，勁悶呀！一係聽歌，一係就打排球，都唔知有咩好做，點知１２點幾，聽倒有人大叫，跟住就八掛走去睇，原來係山上面有一隻馬騮走左落黎偷野食！！偷完之後就走左上去ｄ石到慢慢食！原來ｄ馬騮食野係勁得意ｇａ最衰影唔倒，真係慘！！

今日好開心呀！４點幾就同ｄ　ｆｄ出去旺角攞波衫，係地鐵入面，有個ｆｄ　ｓｅｎｄ左個手提電話ｇｅ　ｇａｍｅ比我同呀李銘，跟住３個人就好似個傻仔咁坐左係到打機喇！！落左車之後，竟然行錯路，行左個大圈先搵倒條路，之後佢地竟然係到行街，食野，然後再上去攞衫，ｄ衫勁重呀！返到屋企都７點幾喇，返到去我係到試衫，我件衫竟然係中碼，好鬼細件呀！有冇搞錯！！

今日我班有個同學鬼上身，忽然走過黎我到唔知做咩，跟住佢就攞起我隻手，再攞出一把界刀，佢係我隻手界左一下，我以為冇咩野喇，都冇血，點知幾秒之後，ｄ血就開始流出黎，個陣真係嚇死我呀！幾驚比啊ｓｉｒ見到，比啊ｓｉｒ見到一定比界倒隻手更慘呀！！

今日真係好無聊呀！改左時間練波，返到去，呀ｓｉｒ勁耐先黎，練到夠鐘，即刻去換衫，換完之後就上左禮堂唔知做咩，做左２個鐘石像之後，終於可以返屋企做豬喇ｚｚｚｚｚ．．．．．

真係慘！！今次個英文測驗又胖左喇！！仲以為亂咁做都可以有分，點知１分都冇呀！真係黑仔呀！！今個星期六上晝練波，練到１２點，返到屋企都差唔多１點喇！下晝２點幾又要返學校唔知做咩！想我死咩！做野都要休息喇！唔理佢喇！好煩呀！唉．．．．