|
2005 年 4 月 9 日 星期六
忙左成個禮拜(都已經算係好忙架啦比起之前),今日終於可以開開心心同欣姐出MK買衫~~
因為太耐無買過野又開始轉季,所以就算d衫整體上唔太理想,都仲掃左ok多返屋企.
反而欣姐想買衫同袋都買唔到,可能係佢要求太簡單,D花枝招展既野完全睇唔上眼...
本來返屋企仲好開心下,諗住攞D新衫出黎試,點知試完雖然o岩著,但就覺得自己好肥...(雖然一直都覺...||)
於是情不自禁地著住塊鏡講左句"死啦~好肥啊~"
點知母上大人竟然一句就塞埋黎話,"你lee D係家族性遺傳,你睇下阿邊個邊個(親戚)都係咁架啦~"
講既人雖然係母上,但我都忍唔住要係心入面俾十個頂佢!!!!
邊有阿媽咒自己個女肥架!!肥都唔緊要,講到係遺傳先有問題!!!!
你咁講即係話我肥左瘦唔得番既o者!?
我以前細個時明明真係好瘦架嘛~點會係家族性遺傳呀!!!?
你遺傳左個矮俾我我都可以認命,但肥lee下我就真係死都接受唔到架嘞!
你自己明明鬼死咁瘦,又唔見你話會遺傳下俾我!!!??
哼!!!!我已經決定左要減肥!!減唔到就唔叫佢做阿媽!!!!! >___________________<
| 
咀．咒 
