啱啱執房戈時搵返之前D日記..睇返之前D日記..覺得自己好白痴
D日記係07年寫GA...戈時發生過一件事..都幾嚴重下..
E+睇返只會覺得戈時GE自己好傻...冇帶眼識人..個個都睇得出佢地有問題..
就唯獨自己睇唔出...仲要咁信佢地..咁依賴佢地..當我離開左戈個地方之後..先發現戈D係衰人..
因為佢地..我差D同我阿媽反面..好彩後來冇事..果然係 "旁觀者清，當局者迷"
就係因為發生過件咁GE事..我先學識保護自己..冇再咁易相信人..
又因為E件事..我先知原來阿媽真係好錫我...
E+林返..我應該多謝佢地先啱...係佢地令我成長.."多謝我GE仇人"
哈哈..真係 "經一事，長一智" XD
跟住仲有D日記係寫中五GA...不過係最初戈時,,又係D極度低能GE野..
另外有兩篇係關於MICKY GA...一睇返..我又喊左出黎..我果然係一個好眼淺GE人...
計下數..MICKY都離開左我兩年幾LA...
好唔捨得..真係好唔捨得..我好想見返佢..但係已經冇可能..
到佢離開左我..先發現..原來我冇幫佢影過相..
到左E+想搵張屬於佢GE相睇下都冇...想要再見到佢..就要靠自己GE記憶..
但係我好驚..我E+對佢GE記憶已然變得好模糊..我驚我會唔記得佢係點GE樣..
養寵物真係會令人好傷心..因為始終都會有離別GE一刻...
我已經同我養GE寵物離別過好多次...記憶最深戈4次都係養狗..
COFFEE, CHOCOLATE, MICKY, 魔怪
我好希望我永遠都唔會唔記得你地..