超級屁聲.........

又遇到怪事，痴孖B，講返件事，尋day好啦，夜晚十點返家啦，咁去到 lift 口，見到有個阿怕等 lift，咁好啦，見我一部 lift，一齊入去啦，全部 lift得兩個人，就係我同佢啦，咁佢按15樓，而我就按左XX樓啦 (總之高過個阿伯啦)，咁部 lift一關門，開始上啦，突然.......好似有D怪聲.....(果D聲，好似發射原子彈ge聲，試下影容下先: (砰 bis bis chu chu)大約係咁啦，尾音好高音下......)好啦，咁D聲去到差唔多6樓停左，呀，reminder: 我搭果部 lift ge層數係3 ge倍數黎ka，但個阿伯扮到好似無野咁個bor個樣，咁好啦，我以為完啦，無野啦，跟住氣肉啦，頂佢個肺，佢由6樓開始，放屁放到去十五樓出 lift 都仲放緊，出左 lift仲要一路行一路放，仆佢個街呀，我真係諗住響15樓出 lift ka la，心諗，咁出 lift又要聞果D屁味，算啦，閉氣忍到返屋企啦，我頂佢，我都未聽過有人放屁放到有高低音咁潮ka，佢個 back door 咩構造，點解有咁多音出到黎ka，我心諗，咁鬼勁，走去將D屁聲黎夾band啦，佢真係可以參加超級巨聲啦，miss chan chan成日話要有creative 同埋高低音要準，個阿伯合乎晒所有要求啦，高音勁，低音準，屈晒機.......唉.......唔好再遇到D咁ge怪事啦........

果日係農曆七月十四.......

咁我老豆係返懲教署ge，咁佢要零晨四點鐘要返到去ka la，咁佢平時都會去到新墟搭小巴返工ge，okay fine，咁果晚七月十四日，老豆果日要返早班，咁都如舊搭小巴返工啦，咁我老豆會同幾個同事一齊搭車返工ge，咁開車時，全格車只剩下一個位，就係我老豆其中一個同事ge隔離，咁好啦，開車啦，咁一直屯門D中途站都無人上車((咁當然啦，三點幾鐘，搵鬼上車咩........不過比我把衰口講中))咁去到青山公路有一個水坑位，((即係平時我地行屯門公路返屯門，係得一個位會同青山公路並排行果條直路))，咁我老豆就見到個司機無端端停車開門bor，跟住就關門開車，咁我老豆同幾個同事都覺得奇怪，anyway，無理會啦，咁到事發後兩日啦，我老豆又係返早班，又搭同一班車，又係同一個司機開啦，跟住我老豆上車時，個司機就同佢講啦，((嘩，果日七月十四幾開心呀，成格車滿晒座呀))，跟住我老豆個同事就大返佢啦，((邊有上滿呀，我隔離仲有一個空位bor，你吹水咩仆街))，跟住個司機就同佢講((頂你個肺呀，果日呀，去到水坑呀，有個長頭髮ge女仔截車呀，上左車後仲坐左響你隔離tim，你落車果陣呀，個女仔仲要縮開隻腳比你落車先))，跟住我老豆就同個司機講((果日你響果度無端端開門，我都覺得奇怪ka la，都無人上車，睇黎你撞野la))跟住個司機就話以後去到果個位，見到咩都唔停車啦.........跟住我老豆返去同D同事講依件事啦，有個同事話之前搭的士返工，個的士佬同佢講，話又係試過零晨時間響水坑載過一個長頭髮ge女仔，去到懲教署門口，但個女仔係比港紙ge，但當格的士入到屯門後諗住找錢，先發覺D錢變晒做陰司紙........

我以後行青山公路的話，一定唔會周圍望，毛管都動晒.........

依家D o靚仔真係好Q柒

我尋日同我個fd去左天龍會篤波，隔離張枱有成班柒下柒下ge o靚仔，柒都唔怪佢地啦，阿媽生成咁，唔怪得佢地，仲要話自己點勁點勁，好，咁我就睇下你班柒頭有幾勁啦，頂佢地個肺呢，十Q有八Q都打唔中D波，無料扮晒四條，跟住又話自己溝女點勁點勁，見到佢地個個頭型都成個壽包咁，個look仲要超柒，著埋晒D扮晒潮ge衫，見到都唔開胃啦，痴線，最憎D19勁講癈話，煩住晒我打波，真係勁有衝動挑佢地機，不過算吧啦，班柒頭咁屎波，費Q事比人話我屈機

下次篤波希望唔好再見到依班seven eleven啦..........

頂，尋晚返學，學creative cutting，覆佢個機呀，原來做一件女性晚裝係咁Q麻煩ka，做一件晚裝用成十幾碼布，買料又貴，好似燒錢咁，crazy...........唔怪得出面買一件晚裝係咁7貴啦，我要整靚D~~~~

為自己日後有可能失憶記事一

尋晚係九月十六日，有幾滴雨，睇唔到個月亮，個天好黑睇唔到舊雲，事發時間大約九點左右，人物係一個歲幾ge o靚妹

話說尋晚當我由良景街市返屋企途中，行經停車場旁條斜路之際，有遠處有個小妹妹行緊過黎，行路仆下仆下咁ge，跟住佢老母((都係講返佢阿媽啦))同佢講啦，你行到仆下仆下咁ka，行好D啦，但響依個moment，個 o靚妹講野lu bor，佢同佢阿媽講，((唉唷，仆街囉))，佢老母即係佢阿媽就笑住咁同佢講，應該係跌跌先啱，跟住個 o靚妹話跟住佢老母即係佢媽講返跌跌........

但我心諗，點解一個歲幾ge o靚妹識講仆街咁勁ge，究竟係佢老母即係佢阿媽有左佢果陣成日去曲街定係胎教果陣成日同佢老豆講仆街呢，睇黎遲D 如果真係準備生仔，唔好講咁多粗口啦.........