打返返咗廣州嗰幾日先....
26/12
嗰日8點到被人叫醒咗.....好皮力.....= =
9:20到嗰時諗住出門口....點知醒起未做eng-class...
拿拿淋開電腦做咗佢~~又順便更新文章~~
大約9:30到出門口~~落到去火車站...見到三位人兄~~
嗰三位人兄係張太、張兄、張弟....簡單地說你們不認識...是小學的學長....
張太是媽子的好友....打算一起回廣州~~
雖則我同張兄、張弟都識....但係無乜兩嘴囉~~因為佢哋大過我囉...
張兄大我七年，張弟大我一年....而且唔同學校~~仲無野好講~so...我都係無理佢哋~
搭火車....搭到去羅湖...過關....跟住搭火車到廣州(由深圳至廣州大約一個鐘到...快過以前好多)
上咗火車先知咁啱係六人位~~我哋總共有六個人...(我、媽、爸、張太、張兄、張弟)
三對三面對面咁坐...每一個車廂只得一個咁ga位...咁都俾我買到...勁！
無無聊聊,,,,緊係攞部nds出嚟打陣啦....玩咗應援團2同lost in blue 3~
仲要一路食香口膠一路打....好似勁寸咁= =
終於到咗廣州...要坐地鐵....廣州d地鐵換咗新售票機...唔係幾習慣...而且超宜壞！
我試過排到我突然部機自動重新= =.....我仲要睇到佢係用window XP...XDDD....
坐咗一陣...張太一家要轉車...咁就bye bye咗佢哋啦...
張太超緊張....驚廣州隨時有人打劫搶野....有冇咁誇啊....又唔叫到我試過被人搶= =
我哋試過一次係到等人嚟接我哋嗢時有人搶野...
有個男人行埋一個女仔到...突然搶咗佢嗰袋，坐上去電單車走咗....我哋睇到o晒嘴=口=
於是拿拿淋上咗架巴士先.....至少無咁危險= =
好啦...講返我哋...話說我哋到咗目的地....
應該12點幾到...等ga時候我為食買咗碗牛雜~~點知個碗穿咗...隻手燙傷=3=...<==為食的後果
好彩無起水泡...如果唔係隻手唔使用= =
等咗一陣...阿爸又話想報短線旅行團玩...我超唔想....我勁憎旅行....對我嚟講係貼錢買難受= =
搞咗一陣...最後無報到~~~坐的士去姑姐屋企~~大陸d的士平好多囉...7蚊起標= =
入到去姑姐屋企...佢兩隻狗又照例歡迎我哋....勁吠....驚...可憐我呢個愛狗人士都驚.....被蒙上陰影= =
搞咗一陣...又食飯...跟住去咗寶墨園...
勁靚...超古色古香....貪得意買咗個搖鼓(十三歲仲玩埋d咁ga野= =)
仲整咗個圖章.....有我嗰名....第日填簿名印佢...XDD
見唔見到有條彩虹？超靚！
瀑布= =(人造的XDD)
又一條瀑布...又是人造的= =(其本上所有的東西都是人造的= =)
靚靚的風景...朕很喜歡~
很假= =
群魚爭食圖= =
好啦...去完寶墨園...就俾阿爸阿媽撇低...佢哋去同人食飯..我返姑姐屋企食飯~
返姑姐屋企途中見到暴動....超好笑
見到有一架旅遊巴等咗係到....警車係隔離...
突然四五個警察捉住一條友出嚟..條友勁掙扎....點解唔上手銬呢...唔通D警察無腦= =
條友仲要被人捉住之後大叫救命.....Orz...大佬..你被警察捉住叫救命...無野好講..
初部推斷係因為條友係旅遊巴到偷野..被人發現咗就報警拉咗佢啩...= =
講住咁多先...一陣返嚟再打~
