我係一個好少會用精華既人(除左之前用過一隻),因為懶,覺得要搽多層麻煩,所以都省卻左依步,咁點解會參加THE BODY SHOP紅石榴緊膚精華素試用呢,我講左出黎,唔好笑我喔…^^
♥其實我地一家有時都會食飯後果,會先將紅石榴一開二,想食既人就會”meet”幾粒黎食,一個要食好耐,因為大個同埋多核,要慢慢”梅”,咁大家就一路食一路睇電視,有時仲會鬥食得多粒,過程都幾搞笑,幾開心架,唔似得其他生果,一人食一個又快食完,所以真係見到依個紅石榴,就不禁即刻諗起咁開心既片段,我諗就好似見到沙田柚,就會不其然既想起家人小時候用柚皮套係你個頭做假髮一樣,好有親切感,紅石榴比我既感覺都係一樣 哈哈 ^^ ♥第二個原因就係自己未曾試紅石榴既產品,所以上網搵下資料,比我知道,原來紅石榴既抗氧化係咁犀利架,所以更加令我想參加試用,想不到又真係被抽中,好開心,多謝Lady Qooza既試用 ^0^ ✿
好啦,囉唆完啦,又係時候睇試用完既結果 ^^
Natrulift Firming Serum 紅石榴緊膚精華素x 10包
雖然無一支既產品咁美觀,但仍無損我試用既心情,哈哈,反而覺得新鮮,用完即棄,都幾方便架 ^^
第一天試用完,雖然跟看到的一樣,感覺比較lup,但係好易推,當搽完之後,摸一摸臉,又覺得ok架喎
我上網搵過資料呀,紅石榴真係好多優點架…”研究顯示︰紅石榴汁的抗氣化效力，是紅酒和綠茶的3倍” 嘩嘩嘩~~~~~~~勁!!✿ 而抗氧化能力越高對於心血管的疾病預防就越高，像預防心臟病、降血糖、肝臟健康、乳癌.....等。
抗氧化,抗氧化~~~感覺好似面部都食緊紅石榴咁呀 哈哈~~~✿
價錢略嫌小貴,卻又覺得比其他產品更抗氧化呢,所以又值得 哈哈
***果籽 : 提取含豐富抗氧化物的果籽油，能保護肌膚免受游離基侵害。特別採用冷壓法提煉果籽油以保存新鮮功效，並獲得有機認證，確保成份天然不刺激肌膚。
果肉︰提取Aquaporins(水通道蛋白)，有助肌膚細胞鎖水功能。
果皮︰蘊含強效活性成份，成份溫和但具備retinol之活膚效果，有助激活肌膚膠原蛋白合成。***
有機紅石榴緊膚系列仲有
紅石榴緊膚潔面乳
紅石榴緊膚潔面膏
紅石榴緊膚滋潤爽膚水
紅石榴緊緻活化眼部精華
紅石榴緊膚日霜
紅石榴緊膚防曬日霜SPF15
紅石榴緊膚晚霜
而睇完個名,超級想試下個防曬日霜同眼部精華~~~~~~~聽個名好似唔錯咁呀 >.<
眼部精華仲係走珠式,好方便呀…♥
奇怪呢,我見各位sis都有附上1張優惠劵,但係我返到屋企唔覺有喎…哈哈,應該係自己論盡,途中整唔見左……>.<
|
