俾梅k一言驚醒夢中人,無錯!甘大既日子點可以唔記低牙!!!!!

今日一早俾人整醒,落左樓下飲茶.......原本阿媽今日去睇醫生,就唔使甘早返大5,可以同佩佩玩左msn,點知今日個醫生冇返工,真係天意弄人 ....飲完茶之後阿爸叫我地返大6小心d,我米叫佢俾中秋利事囉.......佢竟然叫番我俾佢=.=///米傻啦.......

之後搭車果陣sd左個sms俾佩佩say sorry>3<.....對唔住牙佩佩!!!!

幾經辛苦,終於返到阿婆屋企啦,抖左無耐,舅父打黎話叫我地一齊落街食飯.......一落到樓下,見到舅父同燕姐(未來舅母),阿媽叫我嗌人,我沖口而出就話[舅父,舅父條女].......之後阿媽就話我啦,佢地就係度笑-.-........食完飯,我同阿哥亞b一齊做電燈膽---跟住舅父同燕姐去行街(正確d黎講係行書局-0-).....去到書局,我係行行企企架咋...真係悶到爆炸,白白浪費左我幾粒鐘.........

番到屋企,晚餐勁正,食完就上左天台賞月,好多雲,等左好耐先見到.....我地又爬梯上左最高果度,本黎我好驚,淆底唔敢上,之後俾阿公串左兩句就上左啦,唔知算唔算克服左畏高呢-.-////之後又飲左罐汽水,飲左半杯啤酒---我完全唔明白d大人點解飲啤酒囉,好k難飲///////////玩左成粒鐘先返屋企.......睇左陣xx淑女,就去左沖涼....

沖完涼出黎,我地就拎個生日蛋糕出黎,插左9枝爉燭,點著左之後我地就熄燈,大唱生日歌....我睇得出唔只我地開心,阿婆都好開心...^^希望阿婆日日都甘開心啦!!!!!

今個中秋真係好開心牙!個月亮又圓又光,佩佩你見唔見到牙,哈哈^^!!!!!!!!如果年年中秋都甘開心就好啦!!!!!