今日..............

朝頭早同媽咪出咗街食野，食完野就去咗買南華早報，因為要用黎做英文功課!

本身諗住返到屋企就做功課，但係一返到屋企就係咁睇奧運同玩電腦，所以就冇做lu!

真係好悶呀，好想出街同埋唱K呀，一定要揾埋婷，因為我地兩個好耐冇一齊出街la!

雖然暑假好悶，但係我又唔想咁快返學喎，真係好矛盾呀!

Qooza終於開番la! 幾日冇打blog，搞到e加好想打。

今日...................

朝頭早八點鐘起，因為要返choir。刷完牙同換完衫之後，突然之間勁唔想返choir，同埋勁想退出choir，所以就打咗畀Mika，叫佢幫我同老師講我要請假。

同Mika講完電話之後，我就諗住再換過衫，再訓番覺，但係媽咪竟然同我講『好頭好尾』，佢叫我返埋今日先同Miss Pang講話要退出，跟住我就話好la好la!跟住就即刻出門口搭車返學lu!   

返到學校之後，等埋mika，我地就上咗去music room，開始我地ge練習lu。

練習ge過程唔需要再講，因為真係十年如一日，永遠都係咁無聊。

十二點二先放學，足足練咗三個鐘，勁慘!

之後就返屋企lu!

今日.................   

朝頭早就去咗麥當勞食早餐，跟住就返咗屋企。

返到屋企之後，同朱珊msn咗一陣，之後佢提議話去街，所以我就話去圖書館，because可以借書做中文專題報告!

去到圖書館之後，我地見到Nicole，so傾咗一陣，but Nicole走咗先，我地之後先走。

跟住就行咗一陣新北江，之後就返屋企lu!

返到黎樓下，我同阿ling見到一個搞笑場面，就係一個阿婆嚮度打人，個阿婆話佢個工人偷聽佢傾電話喎，所以就一路打一路鬧佢個工人! 邊個做佢個工人就真係慘la!

好悶呀!!!!!! 聽日要開始返choir la! 好慘!!!!!!

今日.................

朝頭早＋點就去咗新北江果度食早餐，跟住就返咗屋企!

之後就做功課，都係個句，真係太多功課la，淨係份中文專題都足以置我於死地la!

今晚就會出街食飯，所以可能冇得睇『盛裝舞步愛作戰』，好想睇呀!

今日...............

阿姨話要飲茶，所以同表哥表姐就好早起咗身，跟住我地就好唔願意咁跟住媽咪去Tuen Moon飲茶!

飲到十一點就走咗lu，跟住就返屋企執野，之後走咗去游水。

(大家係唔係好想知我點解成日去游水呢，因為我細佬學游水，所以我就成日去，係同埋阿Ling一齊去ge!!!!!!)

返到屋企之後，雖然我好攰，但係都要做功課，因為實在係太多功課la!!!!!!!!!

攰攰......................