今日幾遲先起身

一起身立即梳洗,之後煮野食

一路食一路睇電視

正左d野正到12點,

之後見時間咁趕,就馬上去坐車去體育館

去到睇果陣我地學校落後緊

之後就以一向我的作風坐係d唔會有人睇到我的位去睇佢地比賽

第一局輸左~.~

之後第2局佢地就係開早係咁勝,間唔中失左幾球

比對手高幾分咁勝返一局

之後第3局打到8:6時轉場,之後就又勝幾分咁勝出左

咁樣就入左4強,恭喜佢地

之後就以又以一向作風咁走ccccc

跟住出去元朗搵阿媽食野

同佢去食野,佢同我講食左野,

叫我叫自己果份,唔洗叫佢果份

之後我咪叫囉,諗住叫野飲時佢唔比我叫

話頭先比左野我飲

之後d野黎到佢又講一大堆野,好煩ar~

食完就去買衫褲行左好耐

跟住同佢去開心廣場12樓個唔知咩中心到睇傢俱

此時apple姐打黎問我野

我就講左一堆佢唔明的野

遲d先打返佢

跟住我就吹我阿媽去買水果

同佢買左個西瓜同2個榴槤

我就話幫佢拎返屋企先咁就走左

之後坐車果陣打返給apple姐

佢問左一大堆証明我有冇去睇佢比賽的問題

有幾題我係估咋,比我估中左,冇給佢罵

佢問我最後果2球係邊個開的

其實果時我靜係睇d人打得點,都冇唔係點留意d球係邊個開

我係心內估一係就apple佢自己,

一係就阿唔知邊個嫁la~

覺得前者的機率大d就答佢,咁都估中真好彩

返到屋企就玩電腦,超正,好開心

跟住就食飯之後就係到睇電視

電車男好好睇

我覺得電影版的男主角靚仔d

今日終於有得同佢傾一陣,好開心,但始終佢d回應都..........