終於都頂起心肝開始打blog...其實之前一直都想打blog寫低自己既心情同經歷...呢個號明明一早整好...不過由於太懶既關係...之前遲遲都未開始...但係今日係一個好重要既日子...點都要紀念下~好...入正題
  6月24號...係我地既畢業典禮...真係眨眼間...咁就係呢間學校讀左15年...原來人生真係好快咁就過去..15年對我黎講已經好多...今年先17歲...其中15年係呢間學校渡過...真係有d唔捨得...不過點唔捨得都好...今日...終於要踏上畢業既舞台...
  今朝..明明5點幾就起左身...明明開埋部電腦...但係都可以唔知點解又訓番orz...訓到成9點5...wesley打俾我問我係邊我先知道自己中伏=..=...如果佢唔打俾我....今日真係唔鬼洗畢業...一同wesley交代完之後...就即刻換3叫阿爸車我返學...好彩都叫趕得切...返到學校之後...發生左件幾sad既事...自己因為頭髮而被老汪點名...差d無得上台...雖然最後都係上到台...但係我自己知道其實連累左miss mak...雖然話我過埋今日就唔洗理呢d野...但係我明miss mak始終會被人話...一定唔好受...而且miss mak拉我出去話我d頭髮果時...我都feel到佢想喊...我見到佢咁樣真係好內疚...內疚到令我流下眼淚...其實真係有時好多身邊既人對你做出既保護...你係永遠唔知...但其實佢地真係默默咁付出...多的是...你不知道的事...
  平伏好心情之後..之後終於到我上台...自己係學校讀左15年...為既就係為左呢一刻...終於可以踏上呢個畢業既舞台...我諗其實每個人踏上舞台果時既心情都係百感交集...而我亦都係一樣...見到爸爸媽咪望到我畢業個開心樣...唔知點解個心有種講唔出既感覺...
  畢業禮相對地比我想像中平靜咁渡過左...我開頭仲以為自己都會喊到7彩...不過...係唱畢業歌果時真係好有feel..."友情,不曾離去,我想起從前,好多美麗..." 係呢15年既美麗回憶...我呢世都唔會忘記...無你地既相伴...無今日既我...真係好多謝呢15年黎有緣份可以與你們相遇...唔知今日之後...大家仲有幾多機會可以聚埋一齊...大家都開始向住自己心目中既夢想進發..係度希望每個人都可以為自己既夢想努力...努力成為自己想成為既人....
  自己係英文班呢幾年黎一直都有個夢想..就係希望當初..一齊升上黎既人可以一齊畢業...雖然結果個夢想無實現到...但係我知道大家即使唔係係埋一齊...但係其實心入面都有留個位俾對方...唯有憑回憶將你們印上那畢業照上:')
  好啦...打到呢度...明明仲有好多野想講...但係好多野真係唔可以一言一語表達出黎 p.s.第一次打blog~___~ 都係諗到咩打咩...無咩點排~__~ 睇到有d亂既話就唔好意思:)