好野丫．．今日終於最後一日番學喇！
一早起左身∼∼去左執把靚聲．．
點解？因為今日為左同大麻玩生日
要出去唱ｋ呢，見佢生日我先唱歌仔．．
（你應該感動有我依一個咁好ｇｅ ｆｄ！）
番到學校就搵ｄ聖誕歌開聲＞ｖ＜
家樂仔你好彩聽到我唱歌歌喇！
今次個聯歡會好悶丫，學校ｄ活動無聊到爆
比起上次果然係差好遠（你重想點丫＞＜）
之後上班房玩．．有燒豬，金莎果ｄ食
因為唱ｋ ｇｅ關係我可能到夜晚先有飯食
所以．．狂拎野入落口＞ｎ＜（殺丫！！）
食完玩多陣，發覺我電話影唔到相．．
突然有ｄ失望呢．．（我有好多野影架！）
等到落得學，齊齊出銅鑼灣打機．．
同跛佬玩左隻槍ｇａｍｅ，做２名英勇ｇｅ差人
結果跛佬打死左幾個路人．．最後橫屍街頭
（佢死左冇幾耐我都死埋．．）
之後睇佢地玩頭文字Ｄ，悶死人呢
玩到冇錢．．見佢地成班唔見哂人
就同大麻佢地偷偷地走左去唱ｋ
（我都唔知點解要偷＝ ＝）
係銅鑼灣走左幾間，唔係冇位就太貴
最後電話查到香港仔有．．
又齊齊番去唱ｋ（又番．．）
一開始除左我，丫ｄｅｅ同大麻有唱
其他人就唔係好想唱咁．．
（肥賢竟然係ｋ房打機＝口＝）
唔知係咪肥滔失戀ｇｅ關係．．
好多歌都係唱分手果ｄ，揀歌果位真係掂
唱孤兒仔果時．．我唱陳奕迅
綠魔驚覺我唱歌原來係咁正＞ｖ＜！
（平時把聲白白痴痴，唱歌竟然．．）
之後轉苦榮．．超似呢＞ｖ＜
同佢地唱歌我發覺好唔好聽唔係一個問題
因為佢地個個都係嗌哂出黎，冇乜人想唱
所以我由真正唱，慢慢變到嗌出黎
係我飲第一杯凍華田，把聲開始細．．
係我飲第二杯凍華田，把聲開始沙．．
係我飲第三杯凍華田，高音開始失．．
（大麻一日ｇｅ開心換我幾日ｇｅ唔開心）
我覺得如果在場有女仔係到，會有更多人唔敢唱
但係我有樣野唔明，我地成班男仔
揀ｇｅ歌點解都係女歌手，又用男聲唱．．
之後唱唱下又變左一人一句．．無奈
到唱聽聽果時．．我，大麻同丫ｄｅｅ每人一段
大麻唱左個女聲出黎（唔錯唔錯．．）
丫ｄｅｅ唱到忽男忽女（我都唔知點唱出黎）
我就當然係純男聲ｌａ＞ｖ＜（邊個好聽就睇你鐘意乜聲）
之後唱Ｔｗｉｎｓ果時，佢地扮女聲笑死．．
聽丫ｄｅｅ唱，睇埋個ＭＶ．．超想打佢
（睇住Ｔｗｉｎｓ變成一把超恐怖ｇｅ聲）
唱到一半，唔知邊個問．．
點解大麻同丫ｄｅｅ生日個氣氛咁大分別
（嘿嘿，因為依次有我係到ｍａ＝ｖ＝）
不過我想唱果ｄ歌都唔見有，好失望呢
結果只有幾首係我想唱ｇｅ歌．．
（ｍｏｎｉｃａ重獨唱ｔｉｍ＞ｖ＜）
最後．．由２點唱到８點終於唱完（唱左半日）
諗左好耐去邊到食，又話食日本野
結果都係去左食南記（分別好似太大．．）
食完就各自各散水ｌｕ！
丑╭＊
要請小丑參加生日派對嗎
|
