今日１０點到就比人叫醒左喇∼我都唔知睇戲睇３點，我要１０點起身做乜鬼＞∼＜見無野做就出左去交書比人ｌｕ
，所以就沖涼搞搞搞左一大輪，搭車出華富．．好耐都未試過帶書包出街，突然覺得佢好重丫，麵包包又秘密增肥了
．．結果搞到成日汗沖左等於冇沖到，又要沖多次丫，沖完涼發覺差唔多２點，打比ｓａｘｏｎ幾時去．．點知同我
講得番３條友睇，又話２點半到華富搭車出銅鑼灣，又一次衝喇∼∼睇黎我一世都冇機會休閒．．我第一個去到華富
，成班友都未出黎，又悶又熱又唔知做咩好只好係巴士站睇住ｄ車車一班一班咁走，唔洗一陣又熱到濕哂喇，咁搞法
我出一次街要沖幾多次涼呢．．．等左大約３班車終於見到一個，第５班車走埋果時第二個都黎到ｌｕ，睇唔到３點
只好睇４點１０．．去到銅鑼灣大把時間就去左世貿睇人打機（３條ｃｈｅａｐ友冇人想比錢）估唔到果到好多野睇
架＞∼＜大飽眼福唷．．走黎走去就番去紐約戲院入場ｌｕ．．紐約戲院係我生平第三間最唔似戲院ｇｅ戲院，細都
唔洗講，連套片都要ｌａｇ下ｌａｇ下太可怕喇．．都有一個好處，空間小變到好大聲，睇恐怖片一流．．講左咁耐
，我究竟睇咩？正是睇活死人地帶丫，太大聲唔多唔少都會嚇親我．．講起，一般都唔錯ｇｅ，不過唔好就係個結局
，可能係等有下集所以搞成咁掛，除左悶左少少之外都幾好睇ｇｅ∼睇完就去左ｍ記食野，食完就番屋企ｌｕ．．
丑╭＊
雜中樂趣
|
