今日就精彩law..冇今日咁無聊=.=

今朝原來諗住訓到11點的..點知9點45分就比樂叫醒左

問我去唔去打波..我當然應承啦..

一去到見到勁多小學同學同依家ge朋友..有9個...

打打下劉嘉城都黎埋..跟住梗係一齊打啦..

之後關耀光..何嘉豪..魚蛋..果d都黎埋..連大家樂細佬都有玩..

仲幫我地果隊扲到分tim...thx...

打到最後城話要4個勁人打6個廢人..老實講我地6個真係好廢..

輸21比14..O晒嘴

基本上係冇得打..捱打就有份...遲d我要練勁d(可惜練極都係廢=.=)

打左3個鐘波..整身皮膚紅晒..超痛呀(尤其沖涼果陣)

打完波返家沖涼..之後打機打到夜晚..

夜晚食左飯後..大約9點到..對面鄰居問我地去唔去踩車..

我見好耐冇踩過..加上夜晚踩會涼d..所以就應承啦

我地踩暈成個tko咁滯..首先去清水灣半島..

之後踩左去調景嶺..之後沿尚德外圍踩左去寶琳..

最後沿寶琳ge外圍返返屋企..踩左個半鐘..

由於載住細妹..加上太黑..差d就抄車..好險=.=

回到家後11點15分law..