今晚真係開心,平時大家各有各忙,返工時間又唔同,都可以咁人齊食一餐晚飯,座滿一張大台,真係好難得,我珍惜每一秒和大家一齊食飯的時間,耐冇見,真係好多野講,談談大家的近況,發覺大家都有自己的工作,再想一想4年大學之中,我們並肩作戰,一齊出貓,一齊做功課做通霄既日子,發覺時間過得太快, 多謝你們曾經給我4年珍貴美好的回憶, 學士時代我過得很精彩, 因為有你們...希望無論再過幾多年,我們還記得每個舊同學兼朋友的每一張笑臉啦...

哈,今日去左澳華大報讀師範文憑, 原來已經有百幾人報名,預計報名人數約為200人...200人爭100個學籍,二分一機會, 點解我仲要報讀? 第一,我無犯法,澳科大同澳城大我可以一齊讀,因為法列只係禁止同一學年註冊入學,非同一學期一齊讀.而澳華大即使同澳城大一齊註冊都無問題,因為澳華大我係報讀文憑,非學位或專科課程,第二,時間配合, 我下學期將澳城大一D科目延到下年再修,澳科大照常上課, 而澳華大哥邊上課時間少, 一季只上堂兩星期, 完全可以同澳科大夾好個出席率...7月20日入學面試,我一定要說服澳華大收我...我精心策劃,同一年讀3間大學的計劃,希望個天比機會我實現啦!

 嘩,今年咩事啊,頭先睇左澳科大碩士入學試名單(港澳台),今年報讀公共行政管理碩士有32人,仲多過旅遊管理碩士(30人), 報讀MBA有37人, 金融學碩士17人,會計學碩士居然得3個人,新開的傳播學碩士只得5個人...今年好特別,以前一向都係旅遊管理碩士多人過公共行政管理碩士嘛, 今年居然...咁多人想做官? 哈哈, 有意思

 之前定左碩士畢業後拍拖,28歲結婚...依家覺得無可能達成, 因為實在有太多野未讀,無錢兼無時間...博士畢業之前,我做既每一份工,每個月出既糧全部都交曬學費,一D都無誇張, 兩個碩士學位加個博士學位=28歲畢業前打工既所有收入,仲有其他課程同文憑費呢,一個文憑最平都5,6千,一蚊都耗盡,連答巴士都無錢,出入座員工車或行路, 食飯食公司,窮過乞依, 時間? 無太多多餘時間, 休息時間頂多每日都只係抽一個鐘,上網或睇電視,依家仲煩緊未來幾個月星期六日可以讀咩課程...啊...好啦, 改28歲先拍拖,30歲先結婚...男人嘛, 大把青春, 30歲先係散發男人味的時候...或者,到時先係我事業真正的開始,我從來都沒有忘記和老友創業的承諾,我絕不會因為兒女私情放棄學業同事業...

 今日同一個教心理學既朋友傾, 佢居然話做政府工無發展, 仲叫我唔好考咁多政府工, 叫我趁後生搵多D其他工作經驗,佢做左政府工9年, 佢分析話D領導及主管人員大部份都三四十歲, 有排未退休...雖然我都知入面好多人都想做官,大把人碩士畢業,爭得好激烈, 但唔代表做政府工等於無發展 ,我覺得只有少少希望,都要試一試, 我覺得只要有實力,就算從政府工轉去私企做都一定無問題, 反正事實係我仲未入倒去,仲有時間比我係私企磨練, 又或者我連入去既機會都無呢! 做唔成政府工的話都無所謂, 只要保持鍛鍊, 做其他野都一定會成功...

 6月又係一個新開始, 新工作,新一輪政府工考試準備, 新一輪課程開始, 新鍛鍊計劃...對自己又要設一個新嚴格訓練標準!

為期6月5到12月5, 半年時間, 返工又上堂的日子,各抽30分鐘溫英文,葡文同政府考試,各抽45分鐘溫日文同會計,合共3小時...返工而唔洗上堂的日子,英文,葡文,各抽1小時去溫,政府考試溫30分鐘,日文同會計各抽75分鐘去溫,合共5小時... 唔洗返工的日子要各抽75分鐘去溫英文及葡文,政府考試溫30分鐘,各抽兩個鐘溫會計同日文,合共7小時......而唔洗返工的日子亦必需上松山跑兩圈,
軍令如山,6月5日開始執行,違者做100下掌上壓及拉一字碼拉半個鐘...

要加緊準備及執行訓練,11月考會計,12月考日文,明年上半年開始認真考葡文,下半年則考雅思或托福英語, 考公開試是只許成功不可失敗的, 考試失敗只會浪費時間和金錢...要一鼓作氣過關斬將,絕不可留半點遺憾..

 人心難測,有時有D野唔可以講出口,各人價值觀不同,別自以為可以完全了解別人的想法,也不要單純用自己的想法套用在別人身上,我從不介意被人誤會, 我亦不會故意為誤會多作解釋,信就信,唔信罷, 不會勉強別人接受自己的想法和做法, 我對人對事都很客觀,你要繼續鑽牛角尖我不會阻你,但你可以問問周圍所有認識你很久的朋友,我想他們和我對你的想法也一樣 你可以繼續認為全世界錯而只有你是對, 但真正的對錯大家已心理有數, 自我代表有性格, 但過份自我的人只不過活在自己的世界已...算把啦,同你講都係多餘,你繼續以你自己為世界中心吧,若你覺得這樣是活得開心的,我們也不會阻你, 也不會像以前一樣和你爭辯,最後奉勸你幾句,我之前不是要拉你落水,更不是因為想升職而利用你...你不要以為所有朋友都想搵你苯, 你也不要以為你自己好了解別人,包括我!作為朋友,請你不要有福就同享, 有難就以為別人有心害你.除左你自己,沒有人可以解救你!

 救命啊!房間驚見老鼠出現, 如果隻貓仲係度就好啦, 以前隻貓會捉老鼠...我唔識捉老鼠,捉倉鼠我就識...

我發覺教心理學同社工 的老師們都好愛說話, 滔滔不絕, 有說不盡的話題...每一次同佢地傾計都感覺得好舒服, 大家你一句,我一句...特別講起心理學的話題, 我都好主動回答, 同平時表現完全相反, 我真係喜歡心理學?, 沒錯, 我喜歡... 所以就打算博士讀心理學,不過會讀第二個碩士先,文化產業管理碩士...至於推薦信方面就易辦啦,理工,旅院,科大,都搵倒人幫我寫...文化產業管理都幾有趣, 因為以前都打算過讀歷史系,文化同歷史根本分唔開...讀唔倒歷史讀文化都OK

 又到訂書時間,今期D書算平,公共政策學,行政法學,財政學,3本加埋盛惠188蚊...9月3日領書