well, 冇錯, 係"想"! 因為現實情況下, 要搵到一個咁既男人既機

會率, 可以話... 微乎其微~ 就算俾你搵到一個咁既男人, 都要睇

下你係咪真係有咁既質素去留低呢個男人先得架?

尤其是做一個成功男人背後既女人, 並唔係想像中咁易!

你要忍受到佢每日分到俾你既時間, 可能只係得凌晨2點打後

既一兩個鐘; 你亦要忍受佢經常響既電話; 你亦要忍受佢同你

一齊去食野既時候, 可能會忽然間同人地傾生意; 就算佢車你

返屋企, 當你以為可以好好地過一d二人世界時, 你亦要忍受佢

一路楂車會一路同人傾電話... 好多好多既野你都要忍~ 因為係

你自己揀既, 冇得埋怨!

你自己揀要做一個咁既女人, 你就要忍受落去! 與其做一個咁辛苦

既女人, 倒不如自己努力d, 自己養自己好過! 橫掂呢個社會成日

都鼓吹男女平等, 係咪?

男女平等聽落去好似好理想咁, 但係根本永遠都唔會有平等呢一

日既出現! 女人可以係做野辛苦既時候, 呻一兩句"搵個男人嫁左

去咪算囉, 咁辛苦做咩jei"; 但係作為一個男人, 你估你可唔可以

係眾人面前講一句咁既說話? 雖然依家女性既社會地位係俾以前

高左好多, 但... 幾強既女人, 都希望會有一個愛錫自己既男人係

身邊照顧自己~ 係出面做野時, 佢地可以表現強悍得似一個男人.

但, 當佢地對住自己愛既人面前, 亦都可以表現得好小鳥依人!

男人則唔可以咁喇! 佢地無時無刻, 人前人後都要表現到自信, 強壯

既一面! 雖然你會話, "唔係呀, 我對住女朋友可以好低能架"...

well, 奉勸各位男士, 就算個個係你老婆, 你都要表現得強d先得架~

 我地係要你地照顧, 唔係叫我地去湊仔呀! 扮弱都唔可以扮得咁多先得架...

d人成日話女人唔易做... 其實我覺得.... "男人唔易做"至真!!!