考埋聽日就完啦∼

琴日同呀姨去大快活食早餐...仲以為去麥當勞

之後佢地話要去Toilet...行行吓見到小學同學.

起Toilet聽到4首熟悉嘅歌

有海猿『Ocean』...女王的教室『Exit』...『Hear Me Cry』...『First of May』...

之後又去咗千色買『魔法先生』公仔

又去咗上層惠康買嘢

買咗章魚燒...壽司...榴連、粟子紅豆雪條...

走個陣又見到小學同學

今日係考試賫第二日

今個禮拜五冇野考...唔洗返

考到下禮拜五

聽日唔使返學呀...YoHo

星期五又放早...太好啦...

琴日體育堂玩跳彈網

好玩又好高呀

落地之後仲好似仲彈緊咁

腳有D軟軟地咁

--------------------------------------------------

今日物理堂

牙Sir講緊速率嘜嘜嗰D...就講咗「位移」

嗰陣比佢嚇親...以為佢叫我名

仲講咗好多次添

今曰放學去咗防毒Teen使開會...開到5點3...

冇去學拼音...不過只係起英文字典先用得...

雅姐同萍果話不想學...-3-

星期日又要去唔知邊度做無聊嘢啦...

又唔早D同人講聲先...

攪到我嘅畫畫堂冇啦...

＼＿／

琴日去學校聽完中四講座
回家有蛋糕食∼因為要補返我媽既生日
之後去咗新港城同意睛佢地行街

去咗馬鞍山公園、海邊、走返屋企樓下
爸話去西貢食飯，點知差D搞到有得去冇得返
最後去新港城食飯
唸著去靚D既餐廳食飯，點知佢地又話唔啱食
結果去咗又多人又窄既餐廳，嗰陣好激氣
食完話咁快又走啦
去咗千色百貨買陣嘢走人啦

我發夢已經買咗部PSP...但仲未打得太鼓
真可惜...

好n日無咩點上喱

今日調位呀　唔制呀　個位好悶呀

次次miss / sir都將我調到D唔識嘅人坐　好討厭呀∼

除咗同雞雞坐　可以同雞雞坐

係我第一次調位覺得好開心嘅事

----------------------------------------------------------------------

今日放學去咗學英文拼音

我好鐘意學嗰D類似符號嘅嘢

日文已經係一個大例子喇

雖然只識睇符號　翻釋都麻麻地啦

嗰陣我真係好留心

如果Maths堂可以好留心就好

但F.2Maths堂真係留心到爆

都唔知係咪Sir唔夠嚴定係同學嘈嘅問題啦

琴日連續落雨

今日就鬼咁好天

個天真係得閒呀

唸著今日同媽咪食早餐

最後都冇去到

但唔緊要！

今個星期五先去！就咁決定！

話咁快聽日要返學啦

好想打太鼓呀！＞V＜

星期一唔洗返學呀

因為間學校會被當作考試場地

好開心可以唔洗返