每次一早訓都總係訓左幾個鐘就醒...跟住就諗好多好多野再訓唔著。。

對我黎講....黎幾年就好似發左好多好多唔同既夢

慢慢睇住自己改變真係幾特別

中五既時候仲自覺好天真, 無憂無慮

後黎因為自己懶就升左去蔡章閣...因為都到左想拍拖既年紀就同左個女仔一齊

之後就係我人生入面添加左唔好既過去同唔好既感情關係

跟住又為工作同學業煩惱.....

接住又因自己懶同逃避現實走左去讀ASSO兩年

為左工作同找下卡數就冇番團契幾個月....

又因為自己靈命差, 工作上問題同埋某D誤會覺得同大家冇咩講融入唔到唔多想同大家相處又繼續冇番幾個月

唔覺唔覺咁又半年

不過幸好自己都冇完全離開神, 有KEEP住番星期日崇拜

睇番轉頭短短時間真係發生左好多野

我最開心既時間應該就係中五GFORCE果陣...會考放榜後直至去左蔡記就應該係人生唔快樂既開始

過左咁耐自己都總算真係放低以前所發生既事了

人生當中又好多既離離合合都睇化晒, 曾經我以為我對某個人既感情只係過眼雲煙, 估唔到當中會發生唔少既事情, 而係呢一刻都仲記掛住佢

曾幾何時我因為自己既過去唔再相信愛情亦同神同自己講過佢係我最後一個會愛上既女人....

我都好明白我呢種男人好多時都會比較花心同多情...所以呢段時間我都不斷咁學習點去專一

唔知將來會係點, 亦唔知自己係咪真係會成世走左去做寡佬...不過我相信一切都總會有安排既

如果冇左神既話我可能都仲好迷惘唔知做咩, 或者係有段自己好黑暗既時候唔再番番黎...性格變得好差

到最近先發覺...自己真係大個仔了...唔可以再咁任性

漂泊左咁耐我都係時候浪子回頭了@@。。

暫時可為神做的就是做好自己見證吧...加油~

另外暫時計劃乖乖地做一年野之後就認認真真搵番個女朋友...希望做得到啦HA :p