琴晚MEN'S CLUB聚會, 雖然唔齊人, 但大家都總是記掛住大家
大家說說笑笑, 真情的分享, 甚麼三五十年大計, 的確精彩..要繼續努力

一說到感情事我都不例外被點名成為先先分享的那個啦...HA
試問一個真正既男人又點會無慾無求, 就連德海(電視劇大太監中其中個太監@@)都想玉徑重生啦XD
不過我都相信上帝早已預備同有佢既安排的...慢慢我自己最多都係覺得dry下都唔再覺得lonely了
始終有些事不能強求和急不來, 我自己都慢慢學習緊愛
題外話大家都果然是真男人, 一致都唔介意食軟飯 XDD  當然他們都是很好的弟兄:)

隨住年月既逝去大家都成長左唔少..很是感恩, 要繼續努力為主奮鬥!

唔覺唔覺我都番左個幾月工嚕
工種都OK啦..我自己都幾享受的
同埋我都有KEEP住做運動
操練身體, 益處還少, 惟獨敬虔, 凡事都有益處
堅持做運動既同時我都會不斷提醒自己都要堅持走信仰上既道路
或者有時我地大個左, 變得比較忙之類慢慢都變得比較內斂, 慢慢又冇左岩岩信主果份火熱, 對人缺少左愛心等等
其實呢D都係基督徒都總會經歷到既事情, 所以我地自己都要努力KEEP住有靈命同生命既更新啦  HAHA


番工果度唯一要習慣既係同同事相處啦
佢地有唔同既人, 有D結左婚, 有D會好宅大大個人都成日打機,有D就成日會出去夜蒲周不時同人OUSH OUSH
作為基督徒, 係當中同佢地相處仲要堅守自己本份同做好自己見證都唔容易啦, 不過我都會努力同堅持
有時我都會同佢地提起下自己番教會
當然有D成日去夜蒲玩弄感情既人第一個反應就覺得番教會??番去溝女咋掛?
有時改變一個人既諗法都好難....所以都唯有做好自己啦
有個人曾經講過帶佢番黎溝下女之類咁的....我自己第一個反應當然都有D反感同唔多願意-.-""
不過諗番起自己當初又何嘗唔係咁...番去都係為左玩下打下波等等

有時雖然話做左基督徒咁耐但都會發覺自己未必有足夠愛心
另外有個同事結左婚有個女, 但我知佢都有包二奶既時候真係好難去愛佢, 就只有好表面咁講下笑吹下水
所以近來呢段日子我都學習緊主耶穌基督既大愛, 去嘗試對唔同既人都多D愛心同埋諗多D自己可以做到D咩實際行動啦

如今常存的有信, 有望, 有愛, 這三樣, 其中最大的是愛
可能我地都知道要愛別人同埋知咩係愛, 但好多時做出黎就往往係兩回事
有好多野我地都需要慢慢去學習


往年既平安夜總會有報佳音或探訪等等既活動
而教會今年既安排都唔同左, 又或者可以講我地都大個左
有時都會有D感觸的, 唔覺唔覺自己都不再年青@@
雖然係咁我都感恩自己有所成長的
我今年都自己一個走左出去支持下友愛堂難得係商埸搞到既報佳音活動同埋睇下年青人報佳音呢..都幾有趣..HA


聽日同後日我就會去個好短既短宣@@...
會去惠州既酒店hold詩歌, 遊戲, 話劇, 見證分享同個人佈道既活動啦, 同埋都會有當地探訪活動
準備時間雖然唔係話好充足, 但準備工作上大家都做到唔錯了
大大下或者對傳福音既熱心都有唔係好夠既時候, 不過呢個始終都係神俾我地既大使命啦
如果你真係愛果個人同愛每一個靈魂自自然就會想將呢份恩典帶到俾佢

順帶一提, 如果意外我都會打算過多一兩年之後浸了 :)
趁住呢段時間都盡量同屋企人修補下關係, 希望都等佢地都有機會認識下福音
我都會想佢地能夠出席我浸禮
而呢排我同屋企人關係都算係好左啦...可能自己出左黎做野之後都定性左d, 同埋我妹讀緊hd nursing
屋企人或者都會安心d少左份擔心
題外話, 早前我出左糧放左d錢落我妹隻鞋度再放係佢床頭XD 
因為要維持我哥哥既形象所以我唔會就咁俾佢啦LOL
後黎聽我媽媽講我妹見到之後走去影左張相, 都幾有趣...ha

呢排自己都多左為人祈禱同主動關心人既需要, 我相信呢D都係應該做的

um...我諗暫時大致就分享住咁多先啦...有機會再同大家開心share下 ^^


都祝福大家啦...加油呀~
Wish you a Merry Christmas and a Happy New Year~~~!