其實我呢世人唔係追過好多女仔, 計埋呢個都係第二個.....係咪估唔到呢...HA

以前會一直怕人拒絕, 怕開左口就連朋友都冇得做, 怕見到面又唔知點等等等等, 好多顧慮

加上由小學開始就曾經有女仔追過, 所以一直黎就覺得男仔唔需要太主動都可以的....以致一直以黎都好被動

最多都係有同唔少人有少少曖昧過同有D唔太好既經歷

唔係認識到依家既佢的話我都唔會發覺到自己既問題,

原來我好被過去好多野困擾, 都仲未放得低

另外雖然屋企接觸得最多就係我媽媽同妹妹, 但其實由細到大都好似冇好好同佢地相處過

所以我真係唔太識同異性溝通同表達的

因為成日收收埋埋又轉彎抺角, 導致到成日要人估估下真係令人幾辛苦

仲有好多好多唔好既野@@。。

不過我終於開始慢慢學識樣野, 原來識得接納自己好重要

每個人都會有缺點的了, 如果成日自怨自艾諗野好負面都只會令自己同人地唔開心

都感恩有機會認識同了解自己更多

我都冇諗過追女仔又真係會失敗的.....

開頭無無聊聊出於唔太好既心態係facebook post下相關既野的確又唔太好的...人都係會成長的

出奇地今次又冇好唔開心....或者不知不覺間因為佢我有D心態慢慢改變左啦

其實今次我都打定輸數的了...不過覺得難得搵到個自己鍾意既人, 唔想再令自己後悔,

同埋好女仔難求LOL    所以今次唔會咁易放棄了

個女仔曾經問過我一個問題, 果時我都唔係太識答隨便咁答左佢

佢問"如果有得番番轉頭, 我會點做"

我諗依家既我會答佢"呢個世界冇如果的, 俾個機會我用餘下既時間珍惜你"

HA...你要幸福呀。。