今日都唔知開心定唔開心，雲妮唔知點解冇黎，
明明尋晚講得好地地嫁，我依家都仲未搵到佢呀，
都唔知佢有冇事嫁，咁我一路行一路都打俾佢啦，
又勁留言俾佢喎，之後上到去，亞花叫我坐埋佢個圍，
爆笑囉真係，亞花食腸唔食波羅，見腸就拎，哈哈
又過隔離圍到拎喎，慧慧仲搞笑，知亞瑩個圍係亞花GP，
即刻過去拎左四五條腸走，仲要話係拎俾亞花食，
真係笑爆咀，但亞花好無奈囉，過左陣佢地三個就黎左，
我見亞NICK好似有D野，原來佢唔舒服，真係辛苦佢呀，
影大合照，我點都唔出去，好彩細啤佢地都冇出，
之後咪影佢地囉，點知TOMMY唔知叫邊個出去，
咁我就望一望後面，哈，點知佢原來係叫我出去，
佢仲話你唔洗望喇，係你喇，死喇，你叫咩名呢，
之後佢係咁望住亞倫，我心諗TOMMY你唔係想亞倫幫你嗎，
之後TOMMY又話，你陣間出黎影相唔好問我認唔認得你呀，
我認得嫁，你呢D老"神"子，快D出黎影相啦，XDDDD，
我最後都係冇出去影，我唔係唔想影呀，我只不過唔想...
俾某D人部機錄晒咋，SORRY呀TOMMY，我真係唔想。
UM...之後亞花亞細佢地出左去俾禮物TOMMY，XDDDD，
得個笑字，大笨象底褲，KAA，綺雯勁迫佢即刻著，哈哈，
之後俾禮物佢地，我唔敢俾囉，唔知點解呢，HAAAA，
後咩都出左去，佢地三個都有多謝我，亞倫至抵死，
咁我果三份禮物都有貼住佢地個名，哈，亞倫佢收左我份禮物之後，
佢居然同TOMMY講︰「TOMMY你睇下，ALAN呀。」
亞倫佢係指住份禮物黎講，笑到我同VIVIAN死死下，XDDDD，
之後唔知點解TOMMY好興奮，坐左係張登度，之後亞倫佢....
勁大反應喎，亞倫即刻話︰「哦，你做咩坐住我D禮物呀。」
咁亞倫之後揸住我份禮物，我即刻O晒咀囉，真係好嬲呀，
都唔知有冇爛，冇耐返番入去坐，之後佢地又出左黎，
亞倫走左過黎，同佢影相啦，影完就同佢講，頭先TOMMY...
坐個份唔知會唔會爛，佢即刻話會盡力"搶"救佢喎，
又一度同FANS影相一度話TOMMY衰，整爛FANS D野，
之後即刻拉JESSICA過去影相，話晒JESSICA係新蕃嗎，
影完我再影多張，XDDDDD，亞倫真係好好呢。
之後FANS就同佢地三個影相啦，咁就俾JESSICA影先啦，
哈哈，唔知點解正想影果陣部機熄左喎，我又唔識開，
之後咪叫佢地等等，亞NICK好似好無奈，SORRY呀，
之後咪猛同佢地講唔好意思呀，哈哈，JESSICA影完到我喇，
嘩，我行第一步咋，就已經俾TOMMY嚇喇，O晒咀呀，
TOMMY話︰「E，TAMMY？乜你咁似TAMMY既，
ELLA你過黎睇下啦，真係好似你個FD TAMMY呀。」
勁驚囉真係，原本諗住企去亞NICK果邊，點知俾TOMMY..
捉住隻手，仲要拉我過去企響佢同亞倫中間，無奈呀，
亞倫仲要見到我隻右手有個印，問番我︰「點解你隻手有個印既。」
XDDDD，都唔知好嬲家好笑，之後ELLA幫我同亞倫解答左個問題，
亞倫知道之後話︰「我以為你尋日印定TIM。」，XDDDDDD，
之後終於影相，OH，TOO BAD，朦左呀，唔開心呀，嗚嗚。
同佢地影完，俾ELLA同EMILY捉住左，ELLA要我同佢影張，
哈哈，我震晒，佢地問我係咪好驚，我話係呀，XDDDD，
ELLA又同我講，話我真係好似佢個FD嫁，佢仲話亞倫頭先..
同佢講，有個FANS勁似TAMMY，ELLA原來唔信嫁之前，
ELLA又同我講，叫我放心，佢會俾佢個FD睇嫁，哈哈，
又問我叫咩名，猛同我講唔該晒，佢真係好禮貌呀。
之後果D唔講喇，仲講會好長嫁編日記，哈哈。 | 
