我都未講 "情人節 唉" 幾時輪得到你地班契弟??
我講一講2010年2月14日情人節 我既故事啦
朝早8點半我係番禺石樓既屋企醒
終於出街啦 大約9點半 行過一檔賣花 我買左一枝白玫瑰花
之後我地開始趕路 呢d唔講
我一路上保護住朵花 每5分鐘就睇下佢有冇壓爛
真係搞笑
同d親戚食完飯 我地又趕啦
去到廣州東站坐和諧號列車 坐左1個鐘落到深圳
過左境 部手機比我聽歌聽到冇電 同阿媽換左黎用
我打比小童 我諗住佢係屋企我就去佢樓下啦
點知佢答我係小西灣
我就諗 廣州咁大 我都行左啦 唔爭在行多個香港
我諗小童未知我係上水 佢教我由屯門過去
我打電話問人 喔 火車去到紅磡 再搭呢個118過海巴士
好 咁我去到紅磡啦 我一出去 搵左半個鐘 終於搵得到個巴士站
仲要入站出站晒左9蚊雞
搭9個字左右啦 我去到富欣花園
打比小童 係小西灣廣場間許留山等
我仲諗緊點樣變朵花出黎 小童已經出現左
咁冇計 直接比 之後我索吻
小童話唔會比我 因為佢有男朋友 大家都知
之後佢上番去 我都走啦 我搭的士去最近既地鐵站
即柴灣 搭到咁上下 小童打黎
點知係佢姨媽定咩 話我朵花凋謝左
佢問我幾時買 我話我8點半 佢一路笑
我cut線 之後小童打黎話sorry
又sd左個sms黎話佢姨媽飲醉左
跟住就係咁啦 番左屋企沖涼訓覺
原來呢個世界上有一句話係比任何一句粗口都要難聽
就係 對唔住
我諗過自己會唔會變唔番以前成日講笑 癲下癲下咁
但我睇左妳QZ之後 我知道唔會從此搵唔番自己
我9月1號見妳第一面 應該幾日之後先同妳有講野
之後中秋 蚊話天使鐘意左我
咁我見妳都幾索 就打算扮追妳等佢死心
追追下 玩玩下 其實妳幾好啊 眼大大 身材又好咁
之後我膽粗粗話比左eb答案妳 鍚番啖
叫晒大家玩true or dare
我錫落妳塊面度 好軟熟 好舒服
第一啖我錫完就跑走左 因為我唔知自己做咩
第二啖我忍唔住拓住妳塊面黎錫 我上左癮
第三啖都係就咁錫算啦
之後妳又抽番我 omg 太開心啦
之後玩完 我返到屋企 妳同蚊搵我去蝴蝶
又玩完啦 送妳同蚊出去 妳定蚊話我保鑣..
之後我係輕鐵上面sd左個sms比妳示愛 妳扮訓 我知妳冇咁早訓
第二日我就閱讀大使完左 妳地學長完左
我地食飯果時我直接問妳 如果我同阿天一齊追妳 妳會揀邊個
妳話 妳唔會揀舊愛
之後我就送妳番屋企 妳sd番sms比我話我太急
之後一次又一次我都嚇親妳
直到有一日蚊話出天水圍 叫我去搵妳 又真係得左
唔知果時妳對我係咩感覺
我送左隻紅色odm錶比妳 妳好耐都冇戴 我知妳係怕羞
跟住蚊就戴左紫色 妳同佢一齊戴 我開心死
之後應該係11月16號 呢個日子應該唔少人有印象
我買左隻黃色既 黃色我唔太鐘意 所以同妳換左紅色
呢隻錶我每日都戴住
11月17 妳送左條頸巾比我 呢條頸巾陪左我好耐
唔記得幾時 我地去迪屋企打邊爐 之後妳都係話我太急啦
叫我同妳做朋友 蚊就話妳開始討厭我
然後唔記得又幾時啦 妳去唱k 我唔敢去
之後我見妳咁耐唔on msn 我以後妳仲係街
sd sms黎問妳有冇事
我好想知道打完邊爐 係幾時 妳對我有番d好感?係唔係因為呢個sms?
然後班男仔上迪屋企睇戲 妳竟然主動黎搵我
我諗都就快可以追到妳 係巴士上面我見妳隻鞋咁細 我同妳度下隻手
我幾想捉住妳隻手 可惜冇 然後撞到妳阿媽
然後傾電話先知
之後我同妳同武,蚊 過左幾個星期 好開心既
4個人既日子 真係唔捨得
12月19 我搵番小學同學 點解我會咁做我唔記得左
然後我好後悔 武勸我果時我流左一滴眼淚
第二日去左睇戲 初頭好尷尬 之後我地冇晒野
我想錫妳一啖之後講對唔住 但冇機會亦都冇膽
之後星期一 聖誕聯歡 完左我地去唱k
麥仔點左 今天終於知道錯
之後我送妳番屋企 攬住妳話 今天終於知道錯
第二日妳話都係最鐘意阿天 唔係我
然後我都有約妳 妳都有出黎 我唔知妳個心點
然後12月25 妳去左佢地果邊 我地變左3個人
然後都好似冇乜野 我都有約你
做功課果次我真係打算強吻妳 不過最後冇咁做
因為我知妳唔鐘意咁
之後原來12月26果時
蚊同武已經散左 佢地到到依家都唔知點啦
然後我都知 妳同番佢一齊...
去到我踢學界 妳黎左 雖然睇唔到
我真係以妳想揀我 我地糾纏左好耐
或者妳一早就當我係朋友 我會錯意啦
之後呂祥光果場 妳黎左 但阿天都跟埋黎
我好嬲 之後幾日都冇晒心機
邊個同我講野我都罵番佢
日日見住妳同佢開locker 傾計 玩 放學去行街
我真係好唔開心 好似個心比人挖左咁
去到尋日 我仲好鐘意妳 就算妳係咁遠 我都唔在乎
但係 妳同我講 妳當我係一個朋友...
我唔想講野 喊亦喊唔出
點解妳會咁鐘意佢 明明係妳話唔會揀佢
點知妳竟然主動去同番佢一齊 點解?
佢有咩咁好?
佢做過咩野?
我為妳做左咁多野 妳只係當我係一個朋友
我應該點?
我可以點?
我係呢度講 我愛妳
但係點解妳愛既唔係我? 係佢?
雖然我都有傷過妳心 有嚇親妳
但肯定唔夠佢多
點解妳會揀佢 唔係我?
我諗我永遠都唔可以搵得番 旅行果日 錫妳果種感覺
但我陳偉恆 係呢一世都冇可能會忘記妳呢個女仔
可唔可以將條頸巾永遠送比我??
我還番比妳係唔想自己日日都欖住比阿天睇
但我依家只係想見番條頸巾
可能有一日 妳同佢會散 但亦都有可能妳同佢會終成眷屬,過世
我想講
多謝妳由10月16號到呢一刻比我既快樂
唔好再對我講對唔住 真係唔好
無論妳做咩 都唔好對我講呢三個字
因為呢三個字已經將我傷得太深
依家我唔想祝妳同佢幸福快樂
我想妳同佢唔幸福唔快樂
我想妳離開佢 如果真係有咁既一日
就算我唔係單身 我都會第一時間去愛妳
小童
我愛妳我愛妳
睇完我既故事 有冇人仲想講
情人節 唉 呢句?
|
