今日又要提起心情番工　ｐｏｌｌｙ姐今日都同左我傾左一陣

佢問我有無事個時　眼裡面都係淚光　忍左好耐．．．．

就好似一個媽媽咁．．．可惜我都係決定番埋呢個星期

我真係提唔到精神開工　公仔叔都問我做咩無番２日　

又可以話開心既　有個客人問你做咩唔番２日　攪到我好似融入左坑口村一樣

夜晚食飯個時　我諗住囉部電話出黎傾電話　

平時禁慣左既電話　突然自己停左落黎　再想想　就放下電話　又在痛喊了

還要喊多幾多次先會完．．．

擒晚做到１２點先走得人　之後就爆跑去搭地鐵　好在追得到

之後又去荷里活睇波　今次ｔｉｍ倫都有黎　好開心大家誤會已經解決哂

基本上我地由開波叫到１２碼　唉唉　施丹真係不智

自己都退休啦　仲要令到自己提早幾分鍾退休　仲要囉個頭撞落人地到

換來的是一張紅牌　這樣的退休　不是一個污點嗎？！

最後意大利贏左　如果施丹無出場　所有野都會有變數　或者會係法國贏呢！！

今日發現踢波除左係消遣既一個令人興奮既活動

當你步入球場一刻　站立左草地上　望著成千上萬既球迷　唱著國歌　

當你帶波連過幾個果時　全場既嘩然

當你入左波個時　望住你既支持者一齊慶祝

這些感覺　我都想嘗試一次　一次就夠了∼

岩岩睇番ｄ留言　好甜　亦好痛．．．