e個假期我過得超開心

而且都ok充實

好開心^^

不過d功課就...哈哈

e排搞緊一d好煩的事

不過就, 好彩有人幫我

今日

去左游水

7點就起身

仲早過番學......

游9點

去到, 落水

講真, 話就話游水

但係其實就係吹水

一個半中, 6個來回

哈哈, 問你死未

除左一開始有心機游之外

其實其實時間都係同教練吹水...

不過都有學野

就係, 學左蛙手同踩水

成果就.....哈哈....保密^^

不過都好累!!

明天要番學了

真係吾想番

但係任務在身

寧寧, 加油!!

琴日去左swim

好開心

一去到

係出面做左一次熱身

之後入去換衫

出到大池再做多一次熱身

教練話, 天氣凍, d熱身吾做足, 好易抽筋

所以

我d熱身做得好足架

如果吾係, 抽筋的話, 禁就吾好la

之後]

游200米板尾熱身

再加多100米自由色

番到黎, 教練都係叫我係禁游

游左一陣

教叫我full power游25米

ok la, 好玩

教練叫我試下一口氣

睇下可以潛到邊到

一潛, 可以潛到半池

好玩

之後游多大半個來回

番黎

教練叫我游200米, 跟住條直線黎游

好難,....

結果,,,,,都係吾講......

之後

教練問我有冇教個起步

之後我諗左陣

佢都係決定教多次....

起步都幾好玩

不過好正呀

聽住佢果句「Are you ready? Go」

真係好正!!

之後計時, 游50米

好玩呀

不過話就話計時

但係我都係hea住黎游...

所以..

1min完成.....

差吾多la^^

再游左一陣

我就開始累

手腳無力(吾係病徵)

係e個時候

教練竟然又叫我full power50米

有冇禁準時呀??

算, 照游....

游完之後

教練叫我試下沖

25米,50米, 75米, 100米禁沖上去

25米, sure that ok

冇問題!

50米, ok la

都吾算有問題

75米, 勉強ok

ok la, 吾多夠氣......

100米, die

死左, 吾夠氣.....

試左幾次都吾得

差吾多夠中

我就同呀kai 游多一兩次

就上水

嘩~好凍呀!!!

快快上水

回家, 換衫, 再出去上堂

係車的時候

我已經死狗禁.....

之後去上堂, 更加吾洗講....

------------------------------------------------

kai, 你要加油呀!!

我會支持支持你架^^

星期4

呀朗番左黎

仲要吾話比我聽

番到黎之後打比我

比個驚喜我

話說我星期4去左 領袖生打邊爐

佢打黎的時候係禁講d好sweet的野

搞到我係禁笑(係女仔都中意聽e d說話架la)

我d fd就係禁話我好姣

本來我話等佢番黎

但係同番到屋企

同哥傾傾下

訓左....

等吾到

第2日

我同佢早上都約左fd

所以晚上會出去

8點

佢黎接我

本來諗左好多野要同佢講

冇左佢一個幾月

多野講係正常

但係一見到佢

我咩都講吾出

d眼淚係禁流

佢瘦左

佢走過黎

輕輕擁著我

撫摸著我的頭髮

我真係咩都講吾到

惟一講到的就係

「我好掛住你」

佢輕輕的撫摸著我的頭髮

講左佢「辛苦你la」

之後

我地邊到都冇去

只係係屋企

我倚著他

細說著一個月來的大小事

他輕撫著我的頭髮

也說著他的事

一個簡單的動作

也是我同佢最中意的動作

好耐冇試過

倚著他

享受頭髮被輕撫的感覺

他說過

最喜歡撫摸我的頭髮

我也答應過他

我會留著我的長髮

e種溫暖的感覺

我中意

不過

e種感覺

只可惟持一個多星期

e幾日見到佢

我都會好驚失去佢

好驚好驚

我吾想失去佢

可惜

佢12號走

我就12號要番學

如果我去送佢

就一定會喊

我想留個靚的樣比佢帶走

下一次見

可能已經係5個月後

佢summer 同 christmas會番黎

相隔兩地

我成日都會亂諗野

我好驚冇左佢

亦都吾想失去佢.......

-----------------------------------------------------------------

哥話比我知

小自冇咩事

隻手只要休息多一個月左右就可以同我練番波

睇黎

一個多月後

我會死得好慘....

不過

佢隻手仲有力 () 我的話

我都會安心點^^

--------------------------------------------------------------------

我要珍惜e幾日

要好好禁記住e幾日

要影多d相

因為下一次見

可能已經係summer了

今日

我第一次感受到係台上同係台下的吾同

話說

我比大雄昆左上台表演

所以第8節就要蒼落去彩排

本來我都吾覺得有咩問題的

上台講野而已

我成日都做架la

平時

我總會有人倍住一起上去

同我的拍擋有互動

所以我吾會有咩問題

但係今日

我係自己一個人上台講

身邊冇人倍

第一次

我的第一次

自己上台講野

所以

我由第7節就開始驚

連手都振埋

我耐冇試過e種感覺

我上一次有e種感覺

已經係我f.2上學期

我不斷祈禱

彩排的時候

本來都冇咩的

但係一正場

我就比現場的氣氛影響到

開始好緊張

好彩雯雯係工作人員

佢係我上台之前都一直叫我吾好驚

上到台

我隻腳係振熙架

我望左一望台下的評審們

見到ms 單對我笑

果一刻係,  仲驚

叮一聲

我就開始講

雖然驚

但係都要講

講左兩三句

同台下就有左互動

開始冇禁驚

冇禁緊張

放鬆左

不過都係冇我想像中禁好

有d錯左

落到台

我隻腳係振得好利害的

一坐底

雯雯就過黎問我驚完未

雯雯擁著我

我差d喊左出黎

點解要喊

我都吾知

但係果一刻真係真係好激動

係超激動

我都吾知點解我會禁激動

但總之就係好激動

大雄走過黎話我都講得ok

我都覺得ok的

不過講錯左好多

今日, 我深禁感受到台上同台下的分別

第一次自己上台

我都覺得ok的

下一次, 我一定要做得更好

--------------------------------------------------------------------------

心情依然好差

跌進低谷以後

我已失去所有氣力

再也走不動了

今日, 番左星期teen

開心

好正

勁搞笑^^

--------------------------------------------------

人這種生物真的好奇怪

我好不容易才脫離比人管住的日子

但係我發現

我好吾習慣

冇左人係我身邊罵我, 煩我

平時

我身邊總會有人提點著我

教導著我

做錯會有人話我知, 會有人罵

做對會有人讚,

身邊一直都會有人守護住我

e種生活我一直都吾中意

但係

當我失去左

先覺得e種生活好珍貴, 好重要

失去左別人的苦心責罵

我開始變得hea

咩都吾想做

平時總會有人逼我溫書, 做hw

吾比我玩電腦, 吾比我睇tv

而家

我係屋企打幾耐電腦, 睇幾耐tv都得

冇人理

d hw, 冇人逼我做, 我就寧願吾做

溫書, 冇人監住我, 我又點會去溫

d成績, 跌左冇人責罵, 升左冇人讚

我仲點解要努力?

以前努力做係吾想比人罵, 吾想比人罰

而家冇人理, 我做咩仲要努力??

以前, 每當傷心失意時

總會有人輕輕擁的入懷

安慰著我

每當我哭泣的時候

總會有人擁著我

替我擦掉眼淚

每當有事

都會有人係我身邊

守護住我

 我雖比人的感覺係好堅強

但係, e個只係表面

我內裡都係好軟弱

我都需要有人疼

因為有人管

軟弱的我材看似好堅強

不過, 而家管我的人同疼我的人都吾係到

我會變回軟弱

因為身邊失去左對我最重要的人

人地話

人係要有人疼, 有人管先有成就

而家, 管我的人同疼我的人都吾係到

我, 還會有成就嗎?

---------------------------------------------------------------------

即使我的前路怎樣光明也好

失去了你們

我的前路就只有黑暗