今日爸爸媽媽同姨姨佢地帶左我去塔石廣場,等我可以陏動下,
其實我都吾係第一次去塔石廣場架啦~
果度有好多烏烏架,我一見到佢地我就好開心,好興奮架啦~
果然今日我去到果陣,已經有好多烏烏係度等緊我啦!
我就梗係吾會放過佢地啦~
一於走去捉住佢地玩先得!
不爸爸媽媽佢地好似好驚我同d烏烏玩咁架~
每次我跑過去d烏烏度,想摸佢地果陣,
爸爸媽媽就會即刻大叫”吾好呀!”咁架啦~
乜d烏烏真係咁得人驚咩??
雖然佢地就真係冇我咁得意~
但係我覺得佢地都真係好可愛喎~
爸爸媽媽……你地之前都有買過隻烏烏比我啦~!
點解依加又吾比我同佢地玩呀??
不過原諒你地啦~睇在你地帶我去禮記食雪糕ge份上咋!!
到左夜晚,爸爸媽媽公公婆婆同埋姨姨佢地帶左我去新濠天地呀!
去睇美人魚,睇天幕喎~
車~我之前都睇過啦~爺爺嫲嫲同姑媽帶我去架!
美人魚就真係幾靚ge~睇多幾次都冇所謂!!
不過天幕就怕怕啦~今次好次恐布過上次咁ge!!
我今次睇天幕果陣驚驚呀!喊呀~~
結果要媽媽攬到我實一實,我先停左冇喊咋~
爸爸媽媽我一早都同你地講左好得人驚架啦!!
你地都仲帶我去,真係想嚇嚫你地個寶貝仔咩~

媽媽的話:
每次帶嚫B仔去塔石廣場,B仔都會周圍走,見到咩都追一餐,
初初去果陣,自己又未行得穏喎,我真係好驚佢跌嚫架!!
其實都吾係帶過B仔去過好多次咋,好似三四次度啦~
不過第二次帶B仔去果陣,去到對開果條斑馬線咋,
佢就已經好興奮,係咁指住塔地廣場ge方向,要落地啦~
真係吾可以睇小依加d BBge記憶力呀!!
而上一次B仔去睇完天幕之後,返到屋企,
B仔已經係咁同我指手畫腳,又噤耳仔,又轟隆轟隆咁~
我問佢驚吾驚,佢就係咁拍個心口仔,
可能佢平時真係太古靈精怪啦~我仲以為佢同我玩!!
原來佢真係咁驚架喎~
上次爺爺已經話左比我知B仔佢驚驚架啦~
一路睇一路要爺爺噤實佢耳仔~
不過爺爺都話B仔睇得好興奮架~!
只係太大聲,只要噤實佢耳仔就冇事架啦~
真係估吾到原來B仔係驚成咁!
對吾住呀~B仔!
媽媽忽略左你對媽媽所表達ge嘢~
媽媽以後吾會架啦~~!!

嗱~我係塔石廣場咪就係見到呢d烏烏囉~!


美人魚姐姐~你好靚呀!!


回憶:2009年3月22日
平時B仔一見到d狗仔就好興奮架啦~
會係咁嗚嗚聲,係條街度就會係咁指住隻狗,係都要行過去,
係屋企就會飛撲過部電視度,係咁指住部電視,好似要督爛部電視咁~
有一次行八百伴,爸爸見到呢隻玩具狗,就話B仔一定會好鍾意,
係都要我買左佢比B仔,而兩個姨姨都話好得意喎,
我睇完d bb衫之得咪去睇下囉~
咁~其實又真係好得意ge~!!
就係咁,B仔就有左佢第一隻寵物啦~
當時B仔淨係見到個盒咋,就已經係咁錫隻狗啦~!
拆左隻狗仔出嚟之後,佢就即刻又攬又錫啦!!
呢張相就係當時影架啦~
隻狗仔係識陏同識叫架,當時我地開左隻狗仔ge電制之後,
B仔好驚呀!可能佢覺得好奇怪,點解會無端端會陏架??
不過好快B仔就吾驚啦~
我仲覺得如果呢隻係真正狗仔ge話,一定實死冇生呀!!
B仔有陣時仲會當佢牛仔咁騎添呀~!!
B仔大佢咁多,又點騎吖~
咪就係坐住佢囉!真係慘呀~!!

今日我吾知比d咩吉嚫隻腳仔呀!
好痛好痛呀!你地知架啦~我好忍得,好少喊架嘛!!
但係可能果樣嘢真係太犀利啦~就連我咁奀皮,我都忍吾住,係咁喊呀!
好彩有媽媽係度咋,雖然佢都吾知我做乜喊,
但係媽媽見到係我隻腳仔隔離有一舊頭先嫲嫲幫我剪ge腳甲係度呀~
媽媽就估係我隻腳仔被吉嚫啦~
於是媽媽就即刻抱起我,係咁呵返我啦~
經媽媽呵混晒我成隻腳之後,我就冇事啦~
哈哈~咁之後,我咪又繼續玩囉!!
點知到左半夜十二點幾,我爬係張梳化度玩果陣,
媽媽佢終於發現左我邊度被吉嚫啦~
媽媽見到我隻腳仔有d類似血ge嘢之後又即刻捉住我,
係咁問我痛吾痛,唉~如果我仲係痛ge話,我就仲喊緊啦~
仲有呀媽媽~都隔左一段時間啦!咩都痛完啦~!!

咩事都冇,即刻繼續玩.......而且仲古靈精怪~


就係吉嚫呢度啦~仲旭嚟旭去,吾比媽媽影相!!


回憶:2008年7月5日
今日我做左樣令媽媽好心痛ge事呀!
就係我自己又抓嚫自己啦~
其實都吾係第一次架啦~
你地記吾記得我之前有個名叫"刀疤仁"呀?
提一提你地啦,係2008-05-29呀!!
媽媽見到我塊面又損左,又好心痛啦~
媽媽成日都叮囑我:吾好再自己抓自己啦!!傻豬仔~
但係果陣,我好似得四個幾月咋喎~
媽媽~我咩都識,就係仲未學識聽話!
Sorry啦~大個d先再學啦!!

中午沖涼前...(自殘前)                                            中午沖涼,瞓晏覺後...(已變身刀疤仁)


媽媽的話:
B仔佢好奀皮架~成日自己整嚫都可以吾出聲,吾喊架!
無論係跌嚫,撞嚫,就連比阿嫲打,只要吾係好犀利,佢都可以冇事咁架!
之前試過整損左個鼻,流血,佢都冇反應架~
直到我見到佢個鼻做咩有d烏糟嘢ge??(以為係鼻屎......)
於是就幫佢抺啦,但係又抺吾甩喎~
研究過之後,先知道係血嚟架!!
就連佢幾時整都吾知呀~
唉~呢個仔.......流血喎~應該都幾痛架.....!
但係佢就好似冇整嚫過咁~
所以今次佢喊左出嚟,一定係好痛啦!
之後發現佢隻腳仔入面有吉嚫ge瘀血呀~
我就知佢今次真係好痛啦!
換作一個成年人,吉到咁,都會覺得痛啦~!
不過當我噤佢隻腳仔睇下d血可吾可以流出嚟果陣,
佢又吾出聲喎,淨係識縮腳吾比我搞佢隻腳,
我就知我個寶貝仔原來真係好忍得痛架!
有陣時我見到佢好百厭咁爬嚟爬去跌嚫,
我想像得到應該係好痛ge,但係B仔佢可以完全冇反應,
當冇件事,好快咁爬返起身繼續玩,繼續爬過~
唉~我真係服左佢呀!!
話咁快B仔就一歳四個幾月啦~
兩件事相差一年,都一樣係B仔整嚫,B仔都一樣係冇喊,
不過感覺上有少少差別,就係覺得B仔依架大個左,冇咁脆弱,
但係同樣都係心痛......點解B仔吾可以乖乖地吾好整嚫架!
有陣時,我會覺得我個寶貝仔好無敵,咩事都吾會喊.....(除左有奸計之外)
無論點樣,佢都會冇事ge,又吾怕痛......
但係有時我又會擔心,佢咁無敵,就算有咩事,我都吾會知架喎~
B仔~媽媽真係好愛你愛笑吾愛喊ge性格,
但係有陣時要喊出嚟,比媽媽知道你ge痛呀!!
不過吾百厭,吾整嚫,就吾洗媽媽擔心啦~~!
(B仔同爸爸一樣,爸爸打波成日整嚫,要媽媽擔心.......)

今日媽媽買咗架車車返嚟呀!
好靚,好得意架!!
其實都吾係今日買架啦~
媽媽一早就訂咗,今日先有貨攞到返嚟~
一攞到返嚟,爸爸就掙住玩,砌嚟砌去......
不過架車車好蠢架,佢吾識陏架......
仲有呀!個呔盤一leg就leg得起架啦!
佢個坐位度仲有個隆添~!
成架車車都可以分體架!
你地吾洗問我有冇將佢分體喇!
我梗係有將佢分過體,我先知佢可以分體啦~!
媽媽,乜咁化學,你都買架??
不過都好......有架車車好過冇~
其實我都幾鍾意,你地睇吓我都玩得好開心架~!

媽媽的話:
睇住佢好好奇,睇嚟睇去,又吾知果樣嘢係乜嚟ge...
係度研究點玩,攞嚟攞去果個樣,好似好忙咁~
真係好可愛,好得人鍾意~!
就算你咩都吾做,淨係喺度望住佢,你都會好開心~
好想即刻攬實佢係咁錫......
總之,bb仔,有你真好~!!
吾知寶貝仔你會吾會用呢??
吾知如果你肯用,咁用完之後又會吾會leg住佢周圍走,
搞到周圍都係屎同尿呢......??
唔...好核突呀!

爸爸你侵埋我玩啦~!!好吾好啫...


係吾係咁樣坐架???我話一定係...

真係好耐冇同大家見面啦~
都係我媽媽懶囉~!
不過爸爸仲懶~搞到冇人幫我打理我個blog........
你地係吾係好掛住我呢??!!
不過吾緊要...我媽媽佢會睇返我咁耐以嚟ge相,
回憶返我啲乖嘢,逐一話返比你地知,
你地吾洗驚會錯過我成長ge一點一滴呀~~
仲有呀~媽媽話喎,我依架大個仔啦~
佢睇返我以前啲相,有好多嘢都有感而發,
想同大家分享下喎~所以,我媽媽會以佢媽媽ge身份同大家見下面,
希望你地都一樣咁鍾意佢啦~~

而今日我去咗公公屋企呀~我好耐都冇見公公啦~
因為公公依架成日都吾喺澳門,就算媽媽帶我返婆婆度,
我都見吾到公公,淨係會見到婆婆同兩個姨姨,
今日公公返咗嚟,佢中午果陣嚟咗我屋企搵我,
我一瞓醒晏覺就見到公公,我好開心呀~
而媽媽又要返工,於是公公就帶咗我返屋企啦~
我今日好乖呀,之不過我打爛咗bb姨姨隻膠杯之嘛~
bb姨姨好嬲呀~不過阿細姨姨幫我認咗罪,bb姨姨入咗阿細姨姨數呀!
好彩~~逃過一劫......
每當bb姨姨大發雷霆果陣,媽媽就會同我講:b仔,巫婆呀~巫婆好恐布呀!!
於是bb姨姨就仲嬲~跟住佢就會尖叫:係呀~巫婆食咗你呀~
我就梗係當佢同我玩啦~我先吾驚巫婆呀~
哈哈!!之後bb姨姨就吾嬲架啦~仲同返我玩添~!
不過今日媽媽吾喺度呀~如果吾係阿細姨姨,吾知個巫婆會點對我呢??
(講吓笑咋,bb姨姨吾好嬲呀!!)
而媽媽知道咗我打爛咗bb姨姨隻膠杯之後,係咁話買過隻比bb姨姨,買個隻比bb姨姨....
媽媽仲話我連膠杯都打得爛~真係曳曳呀~~
媽媽...我咁細個乜都吾識,吾打爛過又點知打得爛喎~
以後吾好話我曳曳啦~~我係你ge乖仔嚟加嘛~
今日玩得都算開心...開心到吾肯返屋企~
爺爺今晚嚟公公度接我果陣我吾肯走呀~仲係咁喊添!!
爺爺:比我玩多一陣得吾得呀??好可惜,爺爺聽吾明我講咩~
唯有喊住咁返屋企啦~~

回憶:2008年7月3日
今日爺爺發現我喺張bb床度瞓到打横咗~
係我第一次打橫瞓呀~爺爺將呢件事話咗比媽媽聽,媽媽將佢記低咗呀~
雖然冇相為証,但係媽媽佢知我越識越多嘢啦~
繼識爬喺度之後,我又識多咗一樣嘢啦~
媽媽話就連瞓都吾識定喇~吾再係一舊飯啦~

媽媽的話:
其實果陣我成日都見到b仔陏嚟陏去,想自己起身,想坐,好有自主權,好主動,咩都想搞,想攞......
係果陣,我覺得自己個仔好叻仔,因為我覺得佢咁樣,好快就會學識坐,學識企......學識其他嘢!
到依架,佢識坐,識企,識行,識走,識叫媽媽,識好多嘢啦~
我又好想佢吾好大得咁快,我好掛住佢以前一舊飯咁果陣呀!!
其實都好吾正常,邊有媽媽咁架,吾想個仔大,大吉利是咩~
可能我真係好珍惜佢細細個果陣ge時光啦~(雖然佢依架都係好細)
我真係好鍾意佢瞓係度望住我,依依呵呵,眼仔碌碌,間吾鐘有啲古怪表情,
但係佢又吾係好知自己做緊乜,任我錫,任我抱,任我攬果陣時果個樣呀!
真係好得人鍾意架~~!
總之我就好鍾意我個仔,無論佢任何方面,
就算曳定乖,我都好鍾意,好吾捨得佢咁快大呀~
好想同我個仔相處ge時間係無限長呀~
依架我個仔淨係識行識走~攬實佢吾比佢周圍走咋,都嘈生晒啦~
第時佢真係大個仔,淨係識錫女朋友,吾錫我果陣,我都吾知點算好喇~
吾洗講我一定好傷心啦~~
不過咁,我個寶貝仔依架先得果一歲幾,其實我仲有排捱至真呀!!
諗埋啲冇謂嘢,我真係傻媽媽呀~
其實b仔你依架都有你另一個勁可愛ge一面,媽媽一樣好鍾意呀!!
你依加識錫我,識飛吻,識bye bye,識指揮我去攞嘢食,識要求我同你玩........識好多好多嘢,
樣樣嘢媽媽都好鍾意,好自豪,好榮幸,令到我覺得好幸福......
寶貝仔,無論你幾大個仔,就算你吾准媽媽捉實你吾比你周圍走,
媽媽都咁錫你,咁鍾意你,咁愛你架~
老天爺,求求你吖~我同寶貝仔,同傻爸爸三個人一齊ge時間可以比正常時間長吖!!
(發緊夢........)

呢張係媽媽之後照到我打橫瞓ge相,哈哈,我個頭頂住咗,
轉吾返打直瞓,果陣我掙扎緊呀,媽媽仲笑我添~
果日我仲發緊燒,08年7月30日,發燒都吾定......吾知好嬲定好笑!
我都好耐好耐冇瞓bb床啦~因為會爬出嚟呀!!
我係危險人物.......

 

今日有個吾知乜水既人同我玩~
佢好奇怪架~吾識出聲架喎~
我點搞佢,佢都吾理我架~
直頭我出埋我條脷去”lam”佢,佢都可以冇反應架喎~
不過媽媽佢吾比我”lam”佢架~
可能驚我咁樣冇禮貌掛~!!
其實講真,我覺得佢都幾熟口面架~
一睇電視,哦!原來係明星嚟既~
吾怪得咁cool啦~

先生,先生,你做咩"擇"住我呀??             喂喂~你彩下我啦~好吾好!!